Ntọ-mkpọ mokọt igwat lek ita eji efuuk me owot, ogakge isikiluluku. Debit iriọọn̄ ibe ke ntọ-mkpọ ikikaan̄ me ubọk Ogwu Ubọọn̄ Sọọlu monu me uyaka kan̄, ke ọmọ si mokana ubọọn̄ ike Jioba ochieekbe me use. (1 Sam 16:13) Ichechieek kè Debit orọ ufuna ikọt ikaan̄ ime mè ikup ikpọ Jioba.

Eji isikaan̄ ufialek, eji mekọt isa me iriọọn̄-inu, ifuk ibot, mè iyaka ire ata nkeek isa inwene irek kiji. (1 Sam 21:12-14; Urọk 1:4) Ire, usini ufialek mokọt ikup ifiin̄ ubọk geelek ibe ke eji mirọ inu geelek eji ebekọt isasa isan̄a ufialek cha, orere, inu echi ojeje ikike me lek onineen̄ Baibul. Me mbet irek kecha, kè eji ekaan̄ ime mè ekup ekekpọ Jioba. Sọnja mgbọ, ọmọ mosan̄a otutuuk ufialek kiji isan̄a mè ‘ituku mun̄ itọ geelek’ isan̄a eji me chieen̄. (Ichi 21:4) Ufialek kiji mokọt ita sa me ntap-ubọk kè Jioba mè iyaka ire ofifi inu. Atikọ ire ke ufialek geelek ikaan̄ okputut. Atikọ keyi mokọt inyi eji ukarajit.

IKPỌ FIDIO EBI IKUP ME OBỌP GE ME INYỌN̄ EYI OKAKAAN̄ NCHE-LEK, MÈ IFỌỌK IDODO CHI:

• Kpasi inu ke ebi eyi Karais ikup me agan̄ osiki me ido United States echichini?

• Ike owa ke ema esa ijeen̄ ime melek ima?

• Ike owa ke ema esa ito chieen̄ me lek “inu ònwọnwọn ichit”?—Filip 1:10