«Reʼgukʉngwasi Nʉchusana naka ú»: Ema gaʼkʉnámʉri íkʉseʼ winsísʉya ni
Iʼmʉnʉ zana Niwipawseʼ Reʼgukʉngwasi Chusana nʉsisa awaki nuga no. Birin pari ikʉseʼri ema zasisi nakʉn nuga ni. Iari eméy nikʉnno. Jesú akʉriwiʉya ɉina kʉyanari: «Reʼgukʉngwasi Nʉchusana naka ú» í zasísʉkwa yanameʼ, ey aniga ni.
Jesú akʉriwiʉya ɉina ema Reʼgukʉngwa sí ʉnteʼ amaseyeʼri, eʼ eméy gwasi igugʉn winaʼzanuʼ nʉnna ni. Iʼmʉ́nʉri winaʼsisa una ni: «Niwiwiʉya, iwa naʼba bin zanʉngeʼ Israél kʉrigagusi ʉwaʼba du nʉzakusʉngwa no». Jesuseʼ eméy awʉngwa ni keiʼ nareʼri, arunhá winaʼzanʉnnʉnno (Hechos 1:6, 7). Ey awʉndi, Niwipawseʼ Reʼgukʉngwasi Chusana sí awiri ey unigeʼ nakʉngwa ni migʉnchonuʼ nánʉkwa gwasi ki nanʉnno. Eméy nanuʼ neyka ni.
Ema paperiseʼri ema gaʼkʉnamʉ migʉnchónʉkwa nanʉngwa ni:
Niwipawseʼ Reʼgukʉngwasi Chusana iari niwikʉɉunʉnno.
Imaʼba rigagusi ʉwaʼba ínʉri Sakuku nanʉnno.
Kaʼseʼ bin zanʉngeʼ reʼgukʉngwa nanʉnno.
Niwipawseʼ Reʼgukʉngwasi Chusana azi nisi ikʉ igunamʉsʉngwa nanʉnno.
Niwipawseʼ Reʼgukʉngwasi Chusana iari iwa twiré kʉyamʉ kawʉnno.
Niwipawseʼ Reʼgukʉngwasi Chusánari inʉ nanʉnno.
