1, 2. ¿Chem ngütramkaaiñ tübachi kimelün mu?

NGILLALMI quiñe chemcün fei pürüm elungenolmi, ¿huesa duamnagafuimi? Feimu Proverbios 13:12 feipi: “Ñi acunon mu tati üngümnieelchi dungu, cutranelquefi piuque”. Huelu, mülepelafui ta dungu feimu pürüm elungelaimi. Quimfiel mu tüfa, doi eluucüleafuimi tami esperayal.

² Tüfachi troquiñ mu peaiñ quiñeque ngülam mülelu Biblia mu taiñ quelluaeteu esperayal ca maneluucüleal Jehová mu. Ca peaiñ chem dungu mu duamnieafuiñ taiñ esperaleal Jehová mu taiñ quelluaeteu. Ca peaiñ chem cümeque dungu llohuaiñ maneluucüleliyiñ Jehová mu (Miq. 7:7).

3. Proverbios 13:11 tañi eipin, ¿chem kimelelkeiñmu?

³ Ñi feipin Proverbios 13:11 quimeltueiñmu chumngelu duamnieafuiñ taiñ nieal paciencia. Feipi: “Tati falinque chemcün pürüm hueuquelu ta che, afcülerpuai. Huelu feiti falinque chemcün ñochiquechi trapümquelu quiñe che, doicülerpuai”. ¿Chem quimeltueiñmu tüfachi texto? Tati quimchengelu chem dungu rume femle, ñochi duam mu ta femai feimu cüme tripayai.

4. Proverbios 4:18 tañi eipin, ¿chem kimelelkeiñmu?

⁴ Proverbios 4:18 feipi: “Pu nor che ñi rüpü fei tati pelon reque felei huilüfcülelu pulihuen mu, tüfa ta doi huilüfcülerpuquei cüme hunle chi antü hula”. ¿Chem  quimeltueiñmu tüfa? Jehová ñochiquechi quelluqueiñmu taiñ doi cüme adümal ñi quimeltun. ¿Ca chem quimeltueiñmu tüfachi texto? Iñchiñ duamnieiñ tiempo taiñ cüme elcünutual taiñ mongen ca taiñ doi fülconal Jehová mu. Feimu iñchiñ estudialiyiñ ca inafiliyiñ ñi feipin Biblia ca Jehová tañi troquiñche, ñochiquechi inayentuafiyiñ ñi chumngen ta Jesús ca doi quimürpuafiyiñ Jehová.

5. ¿Chem kimelelkeiñmu Jesu ñi pengelün dungu?

⁵ Jesús trürümfi ti cümeque dungu taiñ amuldunguqueel ta quiñe fün quetran mu, tüfa ñochiquechi tremquei ti che ñi piuque mu. Feipi: ‘Tati fün quetran noyüquei ca tremquei, huelu tati nganlu quimlai ta chumngechi ñi tremün tati fün quetran. Fei mapu llemai quisu eluqueyu ñi tremal. Hunelu meu noyüquei quiñe cachu reque, feimeu ta ca eluuquei ñi loncoal, fei hula ca apoquei fün meu tati lonco quetran’ (Mar. 4:27, 28). ¿Chem pi Jesús? Quiñe fün quetran ñochiquechi tremquei. Ca femngechi quiñe che cüme lloule Chau Dios ñi dungu, ñochiquechi cüme elcünutuai ñi mongen mu. Por ejemplo, taiñ estudiante ñochiquechi cüme elcünutule ñi mongen, pengelcünuai tañi cüme fülconcülen Jehová mu (Efes. 4:22-24). Tunte quelluafuiñ rume taiñ estudiante, huelu ngoimalayaiñ: Jehová tremümquefi ti fün ti che ñi piuque mu (1 Cor. 3:7).

6, 7. Jewba ñochiduam mu dewmabi mapu, ¿chem kimelelkeiñmu tüba?

⁶ Chau Jehová hunelu mu cüme raquiduamquei chem tañi femal ca ñochiquechi ta femquei. ¿Chumngelu am? Tañi püramyeafiel tañi üi ca tañi quelluafiel ta caquelu. Ngüneduamaiñ chumngechi Jehová ñochiquechi deumafi ti Mapu ca chem quimeltueiñmu tüfa.

⁷ Biblia feipi ñi fente cüme deumafiel ta Mapu ta Jehová (Job 38:5, 6). Ca elcünui antü tañi cüme ngüneduamafiel (Gén. 1: 10, 12). Pu cümeque püllü afmatulehuepelai tañi pefiel mu ñi deumael ta Jehová, feimu eluhuingün tañi püramyeafiel (Job 38:7). ¿Chem pengeli tüfa? Jehová fentren tripantu mu deumafi ti Mapu, pu huangülen ca com ñi mülen, ñochiquechi deumafi. Femlu rume, pefilu tañi deumael “rume tutelcalei” pi (Gén. 1:31).

8. ¿Chem dungu peabiiñ?

⁸ Chumngechi taiñ ngüneduampeel, Biblia quimeltuqueiñmu duamnieiñ taiñ nieal paciencia. Huelu, ¿chem dungu mu duamnieafuiñ taiñ esperayal taiñ quelluaeteu Jehová? Peafiyiñ.

9. ¿Chumül ingelabüiñ Jewba taiñ wiñoldunguatu?

⁹Ngillatufiliyiñ Jehová, mülefui chi taiñ esperayal taiñ huiñoldunguaeteu. Rupaliyiñ quiñe huesa dungu mu, pediafuiñ ta Jehová taiñ eluaeteu nehuen. Cam ayüliyiñ taiñ elcünual quiñe huesa huimtun, pediafuiñ ta Jehová taiñ quelluaeteu. Huelu quiñeque mu Chau Jehová huiñoldungufemlaeiñmu, ¿chumngelu? Peafiyiñ.

10. ¿Chemu duamniiñ ñochiduam taiñ peal Jewba ñi wiñoldunguatu taiñ ngillatun?

¹⁰ Chau Jehová allcütuñmaqueiñmu taiñ ngillatuquefiel (Sal. 65:2). Femngechi quimniei taiñ fente cüme maneluucülen quisu mu (Heb. 11:6). Huelu Jehová ca ayüniei taiñ femal ñi feipicünufiel (1 Juan 3:22). Feimu ngillatufiliyiñ Jehová taiñ quelluaeteu elcünual quiñe huesa huimtun, ¿chumafuiñ? Nieaiñ ta paciencia ca nehuentuleaiñ taiñ elcünual feichi huesa huimtun. Jesús quimeltueiñmu quiñeque mu pürüm huiñoldungungelayai taiñ ngillatuel, quisu feipi: “Ngillatulemün, fei Ngünechen eluaimünmeu. Quintuaimün, fei peaimün. Mütrümaimün ta hulngiñ meu, fei nülalngeaimün. Tati ngillatulelu am, llouquei. Tati quintulu, pequei. Ca tati mütrümlu hulngiñ meu, fei ta nülalngequei” (Mat. 7:7, 8). Fentecünulayaiñ taiñ rumel ngillatuleal, femngechi maneluucüleaiñ Jehová mu taiñ allcütuaeteu ca taiñ huiñoldunguaeteu (Col. 4:2).

11. 1 Pedro 5:6, 7 tañi eipin, ¿chumngechi newentukeiñmu?

¹¹ Quiñeque mu Jehová pürüm huiñoldungulayai taiñ ngillatuquefiel, huelu femürpuai tati. Quisu quimniei chumül taiñ rüf duamnieel quellu, feimu quelluaiñmu “puule tati medin antü” (papeltunge 1 Pedro 5:6, 7). Feimu turpu culpalayafiyiñ ta Jehová taiñ pürüm huiñoldungunoeteu. Por ejemplo, iñchiñ fentren tripantu mu llellipuqueiñ ñi ngünenietual ta Chau Dios fei ñi apümcayafiel ti huesaque dungu. Jesús quimeltueiñmu taiñ femngechi llellipual (Mat. 6:10). Huelu petu ngünenietulai, “deu mülefui tañi ngünenietual” piafuiñ chi. Femngechi raquiduam nieliyiñ, maneluuhuelayafuiñ Jehová mu. Tüfa cümelayafui (Hab. 2:3; Mat. 24:44). Rume falin-ngei taiñ maneluucüleal Jehová mu taiñ huiñoldunguaeteu. Chau Dios deu elcünui quiñe antü ca quiñe hora ñi ngünenietual ti Mapu, fei ñi apümcayafiel ti huesaque dungu. Yochi cüme acuai ñi Gobierno (Mat. 24:36; 2 Ped. 3:15).

12. ¿Chumül doi duamyeiñ ñochiduam?

¹²Rupale quiñe norngenochi dungu, mülei taiñ nieal paciencia. Famülque mu,  tati pu che illamquefi ca tuhun-ngechi che. Ca huesalcaquefi tati fill cutran-ngechi che. Ca taiñ pu peñi ca pu lamngen huesalcangequei tañi testigongen mu. Femngechi huesaque dungu femngeliyiñ, acordayaiñ ñi feipin Jesús: ‘Tati nehuencülelu tuntepule ñi mongen, fei ta montuai’ (Mat. 24:13). Huelu trahunche mu quiñe taiñ peñi cam lamngen culpale, ¿chumaiñ? ¿Maneluupeaiñ mai pu loncolelu ñi inayal Jehová ñi ngülam, fei ñi norümtual ti dungu? Cüpalechi parrafo mu, peaiñ chem mülei ñi femal pu loncolelu quiñe taiñ peñi cam quiñe lamngen fütra culpale.

13. Bütra yabkale kiñe che, ¿chem ayüki Jewba tañi bemal pu longkolelu ñi norümabel?

¹³ Quiñe peñi cam quiñe lamngen fütra culpale, pu loncolelu mülei ñi llellipuafiel ta Jehová tañi eluaeteu quimün, femngechi ñi cüme ngüneduamafiel ti dungu (Sant. 3:17). Pu loncolelu ayüqueingün ñi quelluafiel ti culpalu femngechi norümtual tañi huesa femün (Sant. 5:19, 20). Huelu ca ayüqueingün ñi cuñiutucuafiel ti trahunche ca yafültucuafiel pu huesalcangelu (2 Cor. 1:3, 4). Fütra culpale quiñe peñi cam quiñe lamngen, hunelu mu pu loncolelu mülei ñi quimal chem ñi rupan. Tüfachi dungu pürüm quimngequelai, alün tiempo rupayafui. Fei hula pu loncolelu ngillatufingün Jehová ca Biblia meu piuqueyenquechi ngülamtufingün tati culpalu, huelu doi huesa piquelafingün (Jer. 30:11). Pu loncolelu pürüm eluuqueingün ñi norcünutual ti dungu, huelu juzgafemquelafi ta che. Pu loncolelu inalu Jehová ñi ngülam, doi cümelcalequei ti trahunche. Pu loncolelu cüme femfule rume com tüfachi dungu, caquelu che petu huesa duamcüleafui ti culpalu ñi duam mu. Eimi femngechi dungu rupalmi, ¿chumafuimi tami huesa duamcülenoal? Peafiyiñ.

14. Wedalkangeliiñ iñchiñ, ¿chem upan dungu mülelu Biblia mu newentukeiñmu?

¹⁴ ¿Quiñechi huesalcaeiñmu quiñe peñi cam quiñe lamngen? Biblia mu, peafuiñ quiñeque che ñi rupan cuifi mu. Ñi rupan engün quelluafeiñmu taiñ maneluhual Jehová ñi norcünutual ti dungu.  Por ejemplo, José huesalcaeyu rume tañi pu peñi, quisu eluulai ñi illcuduamcüleal. Doi mai raquiduamtucui ñi doi cüdahuelafiel Jehová, feimu Jehová cümelcaeyu ñi ñom piuquengen mu ca tañi nehuentulen mu (Gén. 39:21). Rupalu tripantu, José perdonafi tañi pu peñi ca ngüneduami chumngechi ñi cümelcaeteu Jehová (Gén. 45:5). José reque, cüdahuelfiliyiñ Jehová ca maneluuliyiñ quisu ñi norümtual ti dungu, doi cüme duamcüleaiñ (Sal. 7:17; 73:28).

15. Wedalkangelu kiñe lamngen, ¿chumi?

¹⁵ José rume huesa dungu mu rupai. Iñchiñ femngechi dungu mu rupalayafuiñ chi. Huelu huesalcangeliyiñ, huesa duamcüleaiñ. Huesalcaeliyiñmu quiñe che, müna quelluafeiñmu inaliyiñ Biblia ñi ngülam (Filip. 2:3, 4). Peaiñ chem ñi rupan quiñe lamngen. Quiñe compañ cüdau mu huesa dunguyefi taiñ lamngen, feimu rume huesa duami. Fei ¿chumi taiñ lamngen? Pürüm illcufemlai, doi mai raquiduami Jesús tañi femün mu. Jesús huesa pingelu rume, illcufemlai ca huiño huesa duamel-lafi ta che (1 Ped. 2:21, 23). Feimu taiñ lamngen femcünufi ñi huesa femngeel. Rupachi antü mu, quimürpui chemu tañi femeteu feitachi domo. Ti domo cutrancülequerquefui ca fill raquiduamcülequefui. Rupacünulu tüfachi huesa dungu ñi femngeel taiñ lamngen, ñi ñom piuquengen mu cüme duamcületui ca ayüucületui.

16. Wedalkangeliiñ iñchiñ, ¿chem dungu newentuabeiñmu? (1 Pedro 3:12).

¹⁶ Huesalcangeliyiñ, acordayaiñ Jehová ñi fülmaucülen “pu hueñancülelu ñi piuque” mu (Sal. 34:18). Huesalcangeliyiñ rume, iñchiñ nehuentuuqueiñ ca elcünuqueiñ Jehová mu taiñ fill raquiduamqueel, feimu Jehová piuqueyequeiñmu (Sal. 55:22). Jehová pequefi com taiñ rupamequen (papeltunge 1 Pedro 3:12). Felei llemai, quiñeque mu huesaque dungu mu rupayafuiñ ca chumlayafuiñ rume taiñ cüme elcünutuafiel. Fei femngechi dungu mu rupaliyiñ, ¿maneluupeaiñ mai Jehová ñi cüme elcünutual?

17. Isaías 30:18 tañi eipin mu, Jewba ¿chem eipikünokeiñmu?

¹⁷ Pichiñma mu, Jehová ñi Gobierno eluaiñmu alün cümelcan. Isaías 30:18 feipi: “Huelu Jehová ñochi duam mu üngümcülei ñi füreneafiel engün, ca eluhuai tañi cutranduamyeafiel. Jehová nor Ngünechen-ngelu am. Fei ayüucüleingün com pu llihuatulelu quisu mu”. Com pu maneluucülelu Jehová mu llohuaingün fentren cümelcan fachantü ca cüpalechi antü meu.

18. We mapu mu, ¿chem kümeke dungu llowaiñ?

¹⁸ Famülque mu fill huesaque dungu contuqueiñmu, huelu ti hue Mapu meu femngechi dungu mu rupahuelayaiñ. Ngehuelayai norngenochi dungu ca cutrancahun ngehuelayai (Apoc. 21:4). Nietuaiñ com taiñ duamnieel, feimu fill raquiduam niehuelayaiñ (Sal. 72:16; Is. 54:13). ¡Müna cüme dungu!

19. Jewba, ¿chemu pepikakeiñmu?

¹⁹ Jehová quelluqueiñmu taiñ elcünual taiñ huesa femqueel ca quelluqueiñmu taiñ cüme piuquengeal, femngechi pepicaqueiñmu taiñ conpual ti hue Mapu mu. Feimeu nehuentuleaiñ ca fentecünulayaiñ taiñ cüdahuelafiel Jehová. ¡Fülcülepai doi cüme mongen! Petu ñi rupanon com tüfachi dungu, ayühunquechi esperaleaiñ Jehová tañi femal tañi feipicünuel.