4. Welukonke duamtuwlaingün tañi pu che

“Pu che [...] rüb duamtuwlaaingün” (2 TIMOTEO 3:1-3).

● Ti domüche Cris pingelu küdawküli kiñe trawüluwün ingkakelu pu wülelkangelu ñi ruka mu, Gales mapu mu. Kidu eipi: “Kiñe antü akurumi kiñe domüche. Kimwelabiñ ñi bentreñma wülelkangen mu. Ka kiñeke domüche weñangduamkülekingün bente ñi wedalmangen ka yewekingün tañi ngütramkaal”.

¿CHEM UPAUPAMEKI? Kiñe pais africano mu, doi 30% pu domüche püchümalen ngelu altrontukukingün tañi bill kudumuwal dungu ñi bemal engün. Kabei tati doi 30% pu wentru rakiduamki wedalmangenon ñi wülelkaabel tañi domüche. Ka bemngechi, pu wentru wülelkangingün. Canada mapu mu, epe 30% pu wentru illamkaneetu ka wülelkaneetu tañi abkadi.

KIÑEKE MUPIKELAINGÜN Abkentu ellka nalüki ta che tañi ruka. Welu bachantü doi kimün ngeki, eipiki ta che.

¿MUPI MAI? Bachantü doi kimelngeki, ka ingkangeki pu che ñi wülelkangen tañi ruka mu. Welu abkentulai nalüken ta che ñi ruka mu. Doi tremküli ti dungu welukonke duamtuwkelaingün tañi pu che.

¿CHEM PIMI KAI? ¿Upaupameki ñi eipilen 2 Timoteo 3:1-3? ¿Kimtukuimi pu che newe piwkeyewkelaingün tañi ruka mu?

¿Taiñ Mapu kai? Tati kechu dungu mu, ngüneduamaiñ Biblia ñi eipilen.

[Eipin]

“Tati pu domüche wülelkangelu eipintukelaingün soltaw mu. Kiñeke wülelkingün doi 35 upa, bei ula ngütramkingün tati pu soltaw” (PORTAVOZ DEL SERVICIO DE AYUDA CONTRA EL MALTRATO DOMÉSTICO DE GALES).