DUNGU 07
¿Chumngi Jehová?
¿Chumngi Jehová, eipiquimi eimi? ¿Müna alütripalepi mai iñchiñ mu, huangülen reque? ¿Cam hueniyelaabüiñ müna nielu nehuen, piabüimi? ¿Quimpeabüiñ mai iñingen? Biblia mu quidu quimeleleiñmu chumngen ca quimeleleiñmu taiñ duamnetu.
1. ¿Chemu pequelabiiñ Chau Dio?
“Dio quiñe püllüngi” (Juan 4:24). Jehová iñchiñ reque bemngelai, pengequelai, quidu quiñe püllüngi, müli huenu mapu, iñchiñ pequelabiiñ.
2. ¿Chumngi Jehová?
Penobiliiñ ume Jehová, huelu quimabüiñ chumngen quidu. Quiñe cüme Chau ngi, beimu piuqueyeabüiñ. Biblia eipi: “Jehová piuqueyelu am nor dungu ca quiducünoquelai tañi pu piuqueyequetu” (Salmo 37:28). “Quidu cuñilchequi ca cutranduamyechequi”. Beimu cutrancüleliiñ, quidu quelluaiñmu (incaaiñmu) (Santiago 5:11). “Jehová mülequi inapüle tati pu cutrantupiuquelelu ca nehuentuquebi tati pu hueya duamcülelu” (Salmo 34:18). Eimi, ¿ayühulabüimi cam hueñancülabüimi Jehová? Hueya bemliiñ, hueñancülabiiñ (Salmo 78:40, 41). Huelu cüme bemliiñ, ayühulabiiñ (papiltunge Proverbios 27:11).
3. ¿Chumngechi pengelqui Jehová taiñ piuqueyetu?
Com tañi bemquel mu pengelqui tañi piuqueyen. Biblia eipi “Chau Ngünechen am piuqueyen” (1 Juan 4:8). Jehová pengelelqueiñmu tañi piuqueyetu Biblia mu ca com ñi deumal (papiltunge Hechos 14:17). Raquiduamnge chumngechi deumaiñmu, tañi peal com ñi deumal Jehová, iyal re cümequelu, ca ñi allcütol ül. Quidu ayüqui taiñ ayüucüleal.
DOI CÜME QUIMNGE
Peaiñ chem pünequi Jehová tañi bemal amatubalchi dungu, ca peaiñ chumngechi quimabüiñ chumngen Jehová.
4. Chau Dio tañi cüme püllü: tañi nehuen ñi pünequel ñi deumaal com
Dio pünequi tañi lib cüme püllu ñi deumaal com. Biblia eipilai Chau Dio ñi cüme püllü quiñe chengen, huelu eipi quidu ñi nehuen-ngen tañi pünequel ñi deuman com. Papiltoiñ Lucas 11:13 ca Hechos 2:17. Papiltungele hula ngütramcaabiiñ tübachi pu ramtun:
-
Chau Dio eluquebi lib cüme püllü com tati ngillatuquelu. Chau Dio tañi lib cüme püllü, ¿quiñe chengepi mai? ¿Cam quidu ñi nehuen? ¿Chemu bemngechi raquiduamquimi?
Jehová pünequi tañi nehuen ñi bemal amatubalchi dungu. Papiltoiñ Salmo 33:6 ca 2 Pedro 1:20, 21. Papiltungele hula ngütramcaabiiñ tübachi ramtun:
-
Jehová, ¿chumngechi pünequi tañi nehuen?
5. Quidu müna cüme Chau ngi
Moisés huenupüramquebüi Jehová, huelu doi cüpa quimbüi iñingen quidu. Beimu eipibi “quimelelen tami rüpü tañi cüme quimal iñingen eimi” (Éxodo 33:13). Beimu Jehová quimeleleyu ñi chumngen quidu. Papiltoiñ Éxodo 34:4-6. Papiltungele hula ngütramcaabiiñ tübachi epu ramtun:
-
Jehová, ¿chem pibi Moisés ñi chumngen quidu?
-
¿Chem doi ayüquimi Jehová ñi chumngen?
6. Jehová duamtunebi tati pu che
Pu cuibique Israel che cutrancangequebüingün ca cüdauquebüingün Egipto mapu mu. Quidu engün Jehová tañi pu chengebüingün, beimu ¿chumngechi duamnagi Jehová? Allcütoiñ tati AUDIO ca papiltoiñ Éxodo 3:1-10. Bemngele hula ngütramcaabiiñ tübachi pu ramtun:
-
¿Chumngechi duamnagqui Jehová cutrancayüm pu che? (Pebinge Éxodo 3:7, 8).
-
Jehová, ¿ayüquepi mai tañi incaabel pu che? ¿Quidu pepi bemquepi mai? ¿Chem raquiduamquimi?
7. Com tañi deumal Jehová quimelelqueiñmu tañi chumngen quidu
Quintul-liiñ Jehová ñi deumal quimaiñ chumngen quidu. Quintulbe tati VIDEO. Quintulngele hula papiltoiñ Romanos 1:20 ca ngütramcaabiiñ tübachi ramtun:
-
¿Chem quimelelqueiñmu Jehová tañi deuman mu quidu ñi chumngen?
QUIÑEQUE CHE EIPIQUI: “Chau Dio quiñe che reque bemngelai, quiñe nehuen-ngi müten”.
-
¿Chem raquiduamquimi?
-
¿Chemu bemngechi raquiduamquimi?
CHEM PEIÑ TÜBAMU
Jehová quiñe püllüngi, beimu pequelabiiñ. Quidu cüme Chau ngi, beimu müna piuqueyeiñmu.
Chem quimeleleiñmu tüba
-
¿Chemu pequelabiiñ Jehová?
-
¿Chem am tati lib cüme püllü?
-
Eipinge chumngen Jehová.
DOI QUIMABÜIMI
Doi quimnge iñingen Jehová tübachi meli dungu mu.
¿Chemu eipiabüiñ Jehová ñi mülenon bill püle?
¿Chumngechi pünequi Chau Dio tañi lib cüme püllü? ¿Chem pi Biblia?
Quiñe huentru pequenolu mupituquelabüi (beyentuquelabüi) Chau Dio ñi duamnetu, ¿chemu bemngechi raquiduamhuelai?
“Iñche pepi quelluquebiñ ta caquelu che” (Ti Huerquen 1 octubre, 2015)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
