DUNGU 34
¿Chumngechi pengelabüiñ taiñ piuqueyebel Jehová?
Beichi papiltubilu eimi Biblia, bantepu mu ¿doi piuqueyepobimi Jehová? ¿Ayüabüimi tami doi cüme hueniyepoabel Chau Dio? ‘Mai’ pilmi, loncontucunge tüba: pengelelbilmi Jehová tami doi piuqueyenebel, quidu doi piuqueyeaimu ca cuñiutucuaimu. ¿Chumngechi pengelelabüimi tami piuqueyebel Jehová?
1. ¿Chumngechi pengelelabüiñ taiñ piuqueyenebel Jehová?
Inabiliiñ Jehová tañi eipin, pengelelabiiñ taiñ piuqueyenebel (papiltunge 1 Juan 5:3). Quidu altrontucuquelabi iñi no ume ñi allcütuatu, huelu elueiñmu caque quiñeque iñchiñ tañi ngümintol (dullial) ñi inaabel cam inanoabel. ¿Chemu am? Jehová ayüqui ‘com piuque mu taiñ inaabel tati quimelün’ (Romanos 6:17). Tüba quimelqueiñmu Jehová ayüqui tañi inaabel ñi eipin bente taiñ piuqueyebel. Trahulechi pu dungu 3 ca 4 tübachi libru mu quelluaimu (incaaimu) tami bemal Jehová ñi ayüquel ca bamentuabel ñi ayüquenol, bemngechi pengelelabüimi chumten tami piuqueyenebel Jehová.
2. ¿Chemu cüdaungeabüi taiñ pengelal taiñ piuqueyenebel Jehová?
Biblia eipi: “Bentren hueyaque dungu mu upaqui nor che” (Salmo 34:19). Com iñchiñ upaquiiñ bill hueyaque dungu mu: huelulcauquiiñ, niehuelaabüiñ plata, norngenochi dungu bemngeabüiñ cam caquelu hueyaque dungu mu upaabüiñ. Bemngechi upaliiñ, doi cüdautuabüiñ chi taiñ bemal Chau Ngünechen tañi ayüquel. Huelu nehuentuuliiñ taiñ inaneabel Jehová tañi eipin, pengelelabiiñ taiñ rüb piuqueyenebel ca taiñ nor huenupüramquebel. Bemngechiliiñ, Jehová nor piuqueyeaiñmu ca ‘elcünolaaiñmu’ (Hebreos 13:5).
DOI CÜME QUIMNGE
¿Chemu Jehová manelbali taiñ inaal ñi eipin? ¿Chem quelluaiñmu taiñ nor piuqueyeneabel? Beula quimaiñ.
3. Eimi ca hueya dunguyengimi
Chumngechi eipili Job ñi libru, Satanás hueya dunguyebi Job ca com pu che ayülelu ñi nor piuqueyeneabel Jehová. Papiltoiñ Job 1:1, 6–2:10. Papiltungele hula ngütramcaabiiñ tübachi epu ramtun:
-
Satanás, ¿chem eipi Job tañi mupitun (beyentun) mu? (Pebinge Job 1:9-11).
-
Satanás, ¿chem dungu mu eipintucuqueiñmu? (Pebinge Job 2:4).
Papiltoiñ Job 27:5b. Papiltungele hula, ngütramcaabiiñ tübachi ramtun:
-
Job, ¿chumngechi pengeli ñi rüb piuqueyenebel Jehová?
Job alütripalai Jehová mu, bemngechi pengeli bente ñi piuqueyenebel.
Alütripanoliiñ Jehová mu, pengelaiñ chumten taiñ piuqueyequebel.
4. Ayühulelbinge Jehová tañi piuque
Papiltoiñ Proverbios 27:11. Papiltungele hula ngütramcaabiiñ tübachi pu ramtun:
-
Quim chengeliiñ ca allcütubiliiñ Jehová, ¿chum duamcüleai Jehová? ¿Chemu bemngechi eipiabüimi?
5. Eimi nor piuqueyepoabüimi Jehová
Cüdaungebüle ume, bente taiñ nor piuqueyenebel Jehová ngütramcaquiiñ ta caquelu che Chau Dio mu. Quintulbe tati VIDEO. Quintulngele hula ngütramcaabiiñ tübachi epu ramtun:
-
¿Cüdautuquepimi mai ñi ngütramcaabel pu che Jehová mu?
-
¿Chumi Grayson ñi llücahuenoal?
Piuqueyebiliiñ Jehová ñi piuqueyebel ca üdebiliiñ Jehová ñi üdequel, cüdautulaaiñ inaneal quidu tañi eipin. Papiltoiñ Salmo 97:10. Papiltungele hula ngütramcaabiiñ tübachi pu ramtun:
-
¿Chem dungu Jehová piuqueyequi? ¿Chem dungu Jehová üdequi?
-
¿Chem quelluaimu tami piuqueyeabel cümeque dungu ca üdeabel hueyaque dungu?
6. Allcütubiliiñ Jehová cümelcangeaiñ
Allcütubiliiñ Jehová cümelcaaiñmu. Papiltoiñ Isaías 48:17, 18. Papiltungele hula ngütramcaabiiñ tübachi pu ramtun:
-
Inaliiñ Jehová tañi eipin, ¿rüb cümelcaabeiñmu? ¿Chemu bemngechi raquiduamquimi?
-
Beula doi quimimi Biblia ca Jehová mu, ¿chumngechi quelluqueimu tüba tami mongen mu?
QUIÑEQUE CHE EIPIQUI: “¿Rüb ayühulpeabün mai Chau Ngünechen?”.
-
Taiñ bemquel mu ayühulabüiñ Jehová, ¿chem huirin tripalu Biblia mu pengelabüimi tami quimelcheal tüba?
CHEM PEIÑ TÜBAMU
Upaliiñ ume bill hueyaque dungu, allcütuquebiiñ Jehová, bemngechi pengelquiiñ taiñ bente piuqueyenebel.
Chem quimeleleiñmu tüba
-
¿Chem quimeleimu Job ñi upan?
-
¿Chumngechi pengelabüimi tami rüb piuqueyenebel Jehová?
-
¿Chem quelluaimu tami nor piuqueyeneabel Jehová?
DOI QUIMABÜIMI
Quimponge chumngechi nor piuqueyeabel Jehová ca tati trahunche.
Doi quimponge chumngechi Satanás hueya dunguyequebi pu che.
“Job alütripalai Chau Ngünechen mu” (Biblia ca tañi huercün dungu, dungu 6)
Quimnge chumngechi pu püchüqueche pengelabüingün bente ñi piuqueyequebel Jehová.
Quiñe hueche altrontucungele ume ñi bemal hueyaque dungu, ¿chumabüi ñi nor piuqueyeabel Jehová?
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
