Iñchiñ rüb inayentukebiiñ chem wirintulelu Biblia chumngechi tukulpaki Jesu tañi lan, ka pingelu “la Cena del Señor” kam “la última cena” (1 Corintios 11:20). Welu mai tañi welulbemken kake religion tübachi tukulpan, tripalai Bibia mu.

 Bemkiiñ “la Cena del Señor” taiñ tukulpaal Jesu tañi wülün ñi mongen iñchiñ mu taiñ pengelal chumten taiñ mañumkebel (Mateo 20:28; 1 Corintios 11:24). Tübachi Tukulpangeam kiñe sacramento kam wenu bemken reke belelai, montulkelaiñmu welulkan mu. a Biblia kimelelkeiñmu taiñ Chaw Jewba müten ulpakünoñmakeiñmu taiñ pu welulkan. Welu müten nieliiñ maneluwün Jesu mu, ti religion welulbemken balingelai (Romanos 3:25; 1 Juan 2:1, 2).

 Jesu werkübi tañi pu inanekeetu bemal Tukulpangeam Jesu tañi lan, welu eipilai chumten bemal (Lucas 22:19). Kiñeke che rakiduamkingün bemngeabüi tüba kom küyen, kom semana, bill antü, bentren upan antü mu, chumten küpa bemle ume. Welu rakiduamabüiñ ka dungu.

 Jesu dewmai ti Tukulpangeam kidu tañi lan tukulpangelu ti Pascua judia, püchüñma mu latui (Mateo 26:1, 2). Tübachi dungu ngenoduam mu upalai. Biblia eipi Jesu tañi lan kiñe cordero de Pascua mu yepai (1 Corintios 5:7, 8). Tübachi Pascua tukulpangeki kiñechi antü müten bill tripantu mu (Éxodo 12:1-6; Levítico 23:5). Unenke cristiano tukulpangeki Jesu tañi lan kiñechi antü müten bill tripantu mu. Ka pu dungukelu iñi ngen Jewba kabei bemki, bemngechi inayentukebiiñ ti wirinkonkülelu Biblia mu. b

 Chumkünobi Jesu bei kellukeiñmu (ingkakeiñmu) taiñ kimal chem antü ka hora tübachi Tukulpan. Kidu elkünobi 14 konle nisan mu, ti tripantu 33 mu, epe konlelu antü belelu calendario lunar judio (Mateo 26:18-20, 26). Ka bemngechikiiñ iñchiñ pu dungukelu iñi ngen Jewba tukulpakiiñ bill tripantu mu, inayentukebiiñ unenke crisitiano tañi bemün. c

 Ti 14 nisan nagüi kiñe viernes mu, tripantu 33 mu, welu bill tripantu nagabüi ka antü semana mu. Taiñ kimal chem antü, iñchiñ pu dungukelu iñi ngen Jewba inayentukebiiñ kuibike judio ñi bemün. Welu, inayentukelabiiñ bewla pu judio ñi bemkeel. d

 Tübachi we Tukulpan mu, Jesu ka tañi pu inanekeetu ikünobi tati kobke ka pulku apümnobilu engün ti Pascua mu (Mateo 26:26-28). Beimu iñchiñ dewmakiiñ kobke yenenolu levadura ka chem no ume, ka pulku chem no ume yekelai. Welu kiñe pulku küme dewlelu ngollingeabüi ume, ka chem no ume yekelai.

 Kiñeke religion iki engün kobke yenelu levadura, welu Biblia mu, levadura kiñe yabkan dungu ka weya dungu reke beli (Lucas 12:1; 1 Corintios 5:6-8; Gálatas 5:7-9). Beimu ti kobke yenenolu levadura ka chem no ume küme pengelki Jesu tañi cuerpo nienolu yabkan (1 Pedro 2:22). Kakelu religion ikebingün pulku ngollikelai, welukünokingün chem eipilen Biblia. Rakiduamkingün tañi montual tañi ipulkunoal mu (1 Timoteo 5:23).

 Ti kobke nienolu levadura ka kurü pulku Tukulpan mu, pengeli Jesu tañi ilo ka mollbüñ. Kiñeke che rakiduamkingün amatubalchi dungu mu, kobke ka pulku Jesu ñi ilo ka mollbüñ ngepoi, welu Biblia kimelelkelai tüba. Deyükonkelai Jesu tañi ilo ka mollbüñ mu, peaiñ chem eipilen Biblia.

•   Jesu werkübüle tañi pu inaneketu tañi iyabel kidu ñi mollbüñ ka ilo, mupitulaabüingün Chaw Dio tañi werkün dungu tañi inobel mollbüñ (Génesis 9:4; Hechos 15:28, 29). Tübachi dungu kümelaabüi, beimu Jesu werkükelai bemal tüba, wente upaabüi chem eipilen Biblia mollbüñ mu (Juan 8:28, 29).

•   Jesu tañi pu inaneketu ilabi engün kidu tañi mollbüñ beichi pun, kidungechi eipi tübachi mollbüñ wülkünongeai müchaiñma. Petu bemlai tübachi dungu (Mateo 26:28).

•   Jesu wüli ñi mongen “kiñechi upan müten” ka bemngewelai tüba (Hebreos 9:25, 26). Kobke ka pulku Jesu ñi ilo ka mollbüñ ngepole tübachi Tukulpan mu, upa upaleabüi Jesu tañi wülün.

•   Jesu eipi: “Bemkeaimün ta tüba iñche tamün tukulpamuabel”. Eipilai: “Upa upaaimün iñche tañi wülün” (1 Corintios 11:24).

 Kiñeke che mupitubingün “transubstanciación” mu —kobke ka pulku Jesu ñi ilo mollbüñ ngepoi—. Tañi rakiduam küpai chumngechi ulpadungui kiñeke texto Biblia mu. Kiñeke ulpadungun mu, Jesu eipi pulku mu: “Tüba iñche tañi mollbüñ” (Mateo 26:28). Welu tübachi dungun ulpadunguabüi: “Tüba pengeli tañi mollbüñ” e. Chumngechi kimelki Jesu, kidu eipi kiñe epe yepan dungu (Mateo 13:34, 35).

 Kiñechi trawüluwki tati pu dungukelu iñi ngen Jewba, püchün che müten ibi tati kobke ka pulku, ¿chemu?

 Jesu wülkünolu ñi mollbüñ dewmai ti “we eipikünoelchi dungu” tañi kiñepülekünobel ti eipikünoelchi dungu mülebülu kuibike israelche, Jewba engu (Hebreos 8:10-13). Ti pu konkülelu tübachi we eipikünoelchi dungu ikebi tati kobke ka pulku tübachi Tukulpan mu. Pepi ikelabi engün kom ti pu cristiano, welu mai ti pu küme ngütrümngebilu müten Chaw Dio mu (Hebreos 9:15; Lucas 22:20). Tübachi pu cristiano longkoleai Jesu engün wenu mu. Biblia eipi 144.000 che nieaingün beichi elbal küdaw (Lucas 22:28-30; Apocalipsis 5:9, 10; 14:1, 3).

 Ti pu ngütrümngelu longkoleai Jesu engün wenu mu, welu mai epe kom iñchiñ nielu maneluwün dipoal “bentren pu che kom lob mapu tuwlu” taiñ abkenochi mongen nieal Mapu mu (Lucas 12:32; Apocalipsis 7:9, 10). Beimu, ti pu nielu maneluwün mongeleal mapu mu, ikelabiiñ tati kobke ka pulku, welu amukiiñ Tukulpan, bemngechi pengelkiiñ chumten mañumkebiiñ Jesu ñi wülün iñchiñ taiñ duam mu (1 Juan 2:2).