Pu testigo cüme troquitufingün pu che, cafei cüme troquitufingün tañi epu pichique trehua. Quiñe antü, quiñe lamngen Elaine pingelu, amuldungulu carrito mu elufi quiñeque galleta tañi epu pichique trehua. Feimu püllelen rupan mu ti carrito mu, tañi epu pichique trehua ayüfui ñi yemeal ta galleta.

Rupan mu ta antü, tañi epu pichique trehua ayüumafingün tati galleta ñi elungeel engu ca iñche ayühuleneu pichi nütramcayal pu testigo engün. Huelu pilafun ñi rume nütramcayal fei engün mu. Iñche doi 70 tripantu niefun ca müte quimlafun chem ñi feyentuqueel pu testigo. Cafei ngüneduamün ñi huesa femquefel quiñeque iglesia, feimu doi cümeafui ñi quisu chillcatual ta Biblia pilefun.

Feichi mu, ca pefiñ caquelu pu testigo ñi amuldunguquen tañi carrito mu fill püle huaria mu. Fei engün ca hueniyefalngeingün. Chem rume tañi ramtuquefel huiñoldunguquefeneu Biblia mu, feimu doi maneluhun fei engün mu.

Quiñe antü, Elaine ramtueneu: ‘¿Chau Dios elupeiñmu mai fillque culliñ taiñ ayühulaeteu?’. ‘Femi llemai’ pifiñ. Fei hula papeltuleneu Isaías 11:6, 9. Tüfa rume raquiduameleneu, ayülefun ñi doi quimafiel Biblia ñi feipin. Huelu pilafun ñi llohuafiel pu testigo ñi fillque publicacion.

Amulechi antü mu, pichiquen nütramcaquefuiñ Elaine tañi füta iñchiñ. Tañi feipiqueteu ngüneduamfali. Feipieneu: ‘Papeltuafuimi Mateo puulu Hechos, fei quimaimi chem mülei ñi femal quiñe che ñi cüme inayentuafiel ta Jesús’. Fei femün. Pichi rupalu hula, 2016 tripantu mu, eluhun ñi quimeltulelaeteu Biblia tüfachi curehuen.

Rume ayüquen chillcatual Biblia fill semana ca amual Trahunhue Ruca meu. Rume ayüucülefun tañi quimürpufiel Biblia tañi rüf quimeltuqueel. Quiñe tripantu rupalu hula, fautizahun. Feula 79 tripantu nien, ca rume mañumcülen ñi pefiel tati rüfngechi religion. Jehová elueneu ñi coneltual tañi fütra familia mu”.