Jesús tañi hutruelchi mollfüñ mu müten perdonangeafui tañi culpan ta che (Efes. 1:7). Femfule rume, Biblia feipi Chau Dios pengeli “tañi ñochi duamngen, feimu rulpacünuquei pu che ñi cuifique culpan”. Feitachi cuifique culpan feipilei tati pu che ñi culpan petu ñi lapanon Jesús (Rom. 3:25). Huelu Jehová quiñe nor Dios ngefui, feimu ¿chemu am perdonafi tañi culpan caquelu pu che petu tañi lapanon ta Jesús?

Jehová feipicünui ñi cüpayal quiñe cüpanche ñi montulafiel com che maneluulu quisu mu. Jehová feipicünulu tüfachi dungu, quisu tañi adquiñ mu Jesús lacai reque (Gén. 3:15; 22:18). Jehová rüf maneluucülefui Jesús tañi ayühunquechi hulal tañi mongen puuchi antü mu (Gál. 4:4; Heb. 10:7-10). Feimu mülepalu Jesús mapu mu, petu tañi lanon rume, Jehová elueyu autoridad ñi perdonayafiel tati pu culpalu. Jesús quimniefui quisu tañi lan mu pu che perdonangeafui ñi culpan mu, feimu quisu perdonaquefui feyentulu quisu mu (Mat. 9:2-6).