NGÜNEDUAMPEIÑ tachi chillca meu fentren huesaque dungu hueñancülchequelu. Eimi ca huesa rupamequeimi chi, fei fente tami huesa duamquen “inei no rume duamnielaeneu” cam “ngünam mongelen” raquiduampelaimi chi. Huelu, ¿rüfngepei mai tüfa? Felelai llemai, Chau Dios duamnieimu ca müna falintunieimu.

Ti huentru huirintuculu Salmo 86 fente tañi maneluuquen Chau Dios mu, feipifi: “Eimi huiñoldunguaen, feimu iñche llellipueyu tañi hueñancülen mu” (Salmo 86:7). Eimi ngillatufilmi Chau Dios tami “hueñancülen mu”, ¿maneluuqueimi tami huiñoldunguaeteu?

Llellipufilmi rume ta Chau Dios, quiñepülecünulayafui tami rupamequen. Tati Biblia feipi quisu eluaimu tami tüngcüleal, fei doi cüme duamcüleaimi llemai. Filipenses 4:6, 7 feipi: “Chem meu no rume ta huelulequilpe tamün raquiduam itrofill meu com eimün tamün nieelchi dungu, nütramelqueafimün ta Ngünechen. Ngillatufimün, quelluen piafimün. [...] Fei Ngünechen tamün elueteuchi cüme tüngün yafülnieñmayaimünmeu tamün piuque ca tamün raquiduam, eimün am quiñeucülelu ta Cristo Jesús meu”. Feula, ngüneduamaiñ quiñeque dungu ñi feipiel Biblia. Raquiduamülmi tüfa, “Chau Dios ta duamnieneu” piaimi tati.

“Tüfachi pichique üñüm quiñe no rume ngüyünielaeyu ta Ngünechen. [...] Eimün ta doi falimün fentren pichique üñüm meu” (Lucas 12:6, 7).

RAQUIDUAMNGE: Fentren che ngüneduamquelafi rume ñi mülen pu üñüm, huelu Chau Ngünechen ngüneduamquefi llemai. Quiñe pichi üñüm cütu, rume falin-ngei Chau Dios mu. Quisu com eli Mapu mu, huelu elufi tati pu che müten tañi inayentuñmayaeteu ñi chumngen ta quisu, feimu iñchiñ doi falintuqueiñmu (Génesis 1:26, 27).

“¡Ahuem Jehová! Eimi ngüneduamnieen, ca cüme quimnieen. [...] Eimi inaduamqueimi tañi raquiduamqueel iñche. [...] Inaduamnieen, ca quimnieñmaen tañi raquiduamelnieteuchi dungu” (Salmo 139:1, 2, 23).

RAQUIDUAMNGE: Chau Ngünechen cüme quimnieimu. Com quimniei tami raquiduamqueel piuque mu. “Caquelu che quimlai rume chum duamcülen iñche” feipifulmi, maneluunge llemai Chau Dios tami duamnieteu. Quisu cüpa quellueimu. Feimu ngünam mongelen pihuelayaimi tati.

“Ahuem Jehová, allcütuñmaen ñi ngillatun. Quelluen feipieyu, fei puupe eimi mu tañi llellipun. [...] Tami pilun eluucülepe tami allcütual, fei pürüm huiñoldunguen. Chau Dios allcütuñmayafi tati hueñancülelu ñi llellipun” (Salmo 102:1, 2, 17).

RAQUIDUAMNGE: Conlu müten huesaque dungu tüfachi Mapu mu, Chau Ngünechen cüme quimniei fente tañi cutrancauquen tati pu che, ca tañi ngüman cütu (Salmo 56:8). Fei llemai, taiñ Huenu Chau quimniei com tami cutrancahun, fei ngüneduamniei com tami cülleñu tami hutruel. ¡Quisu müna falintunieimu!

“Fill raquiduamcülequilnge, iñche am eimi tami Ngünechen. Iñche ta yafültucuayu, mai, iñche ta quelluayu; [...] tami feipiqueteu: ‘Llicalayaimi. Iñche ta quelluayu’” (Isaías 41:10, 13).

RAQUIDUAMNGE: Chau Ngünechen eluucülei tami quelluaeteu. Fei ngünam mongelen feipifulmi, quisu ta yafültucuaimu.

“Ngünechen am rume piuqueyefilu ta com mapu meu mülechi pu che, feimeu huli ñi quiñen Fotüm femngechi com tati feyentulu quisu meu chumcaunorume ñi lanoal, huelu mai ñi nieal ta rumel mongen” (Juan 3:16).

RAQUIDUAMNGE: Chau Dios müna piuqueyeimu, feimu ayühunquechi huli tañi Fotüm Jesús ñi lapayal eimi tami cüme feleal ca tami ayüucüleal. *