¿Ka chem dungu duamfalngey?
Fentren che eluwküley ñi illamkachewenoal, ¿chem kellueyew? Tati fillke ngülam tripalu tüfachi revista mu. Welu iñchiñ taiñ newen mu müten, kellulayafuiñ ñi illamkangewenoal ta che. Fey ¿akupeay may chi antü ñi mülewenoal illamkawün?
Kiñe küme gobierno tañi femafel
Pu wentru ñi gobierno pepi katrütukelafi ñi illamkangewenoal ta che. Welu ¿mülepey may kiñe gobierno ñi pepi katrütuafiel ti illamkawün?
Femngechi gobierno mülefule, tüfa tañi femafel...
1. Müley ñi kelluafiel ta che ñi ka rakiduamnietual, fey ñi duamtucheal.
2. Ti gobierno kelluafi pu che ñi küme trokituafiel tañi chafche, weda dungu femelieyew rume kuyfi.
3. Pu longkolealu müley ñi illamkachenoal.
4. Tüfachi gobierno kelluafi kom tati pu che ñi kiñewküleal.
Biblia feypi Chaw Dios elkünuy kiñe gobierno wenu mu, tüfa “Ngünechen ñi Ngünenieel” pingey (Luka 4:43, Ngünechen ñi Neyüntükumuyümchi Chillka [NCH]).
Ngüneduamnge chem ñi femal Chaw Dios ngünenietule ti Mapu.
1. Küme enseñacheay
Biblia feypi: “Mapu mu mülelu am juicio eymi mu küpalu, tati pu che Mapu mew kimkeyngün tati nor dungu mu” (ISAÍAS 26:9).
Biblia feypi: “Femngele rüf norngechi dungu, müleay ta tüngün, ka femngele rüf norngechi dungu, rumel müleay kümelkalen ka küme felen” (ISAÍAS 32:17).
Tüfachi epu texto, ¿chem küpa feypiley? Chaw Dios tañi gobierno nor dungu enseñayafi tati pu che. Fey ka rakiduam nietuayngün, feymu eluwayngün ñi piwkeyeafiel kom pu che.
2. Ngewelayay norngenochi dungu
Biblia feypi: “Liftuay Ngünechen kom külleñu fey engün ñi nge mew. Ka tüfeychi lan doy ngewelayay. Ka, ngewelayay ngüman, lladkün, kutrantuwün no rume: Feychi wüne müleyechi dungu dew rupayey” (APOKALIPSI 21:4, NCH).
Tüfachi texto ¿chem küpa feypiley? Chaw Dios ngünenietule, apümkayafi kom taiñ kutrankakeetew. Tati pu che acordawelayay ti wedake dungu ñi femngekefel kuyfi, fey weda duamwelayayngün.
3. Küme longkolelu
Biblia feypi: “Juzgalayay re ñi pefiel müten kiñe dungu, ka norümlayay ñi allkütuel müten ti dungu. Kidu nor dungu mu juzgayafi pu fillalelu ka [nor dungu mu norümtuafi] ñi füreneafiel pu ñom piwkengelu Mapu mu” (ISAÍAS 11:3, 4).
Tüfachi texto ¿chem küpa feypiley? Chaw Dios elfalkünufi ta Jesus ñi longkoleal tüfachi gobierno mew. Fey ¿chem chumay? Jesus doyümlayay kiñe trokiñche kakelu mew, kom küme trokitunieafi. Ka tañi werkün dungu inangeay kom Mapu mew.
4. Kiñewkületuay ta che
Chaw Dios ñi gobierno enseñayafi tati pu che ñi ‘mongeleal fente küme kiñewün mew, kiñe rume rakiduam mew müten, femngechi kom ñi nieal kümeke rakiduam’ (1 KORINTIO 1:10).
Tüfachi texto, ¿chem küpa feypiley? Kom pu che tañi ngünenieaetew tüfachi gobierno, kiñewkülelu femfaluwlayay. Doy may welukonkechi piwkeyewayngün, feymu rüf kiñewküleayngün.
