Cüdaufe ayüuquei ñi cüdahual, chofüquelai. Ayüfalnole rume chi cüdau, tati cüdaufengelu ayüquei tañi cüdahual ñi mongeluhuam ca ñi quelluafiel caquelu che.

Tati mongen mülei fentren duam ñi femngeal. Huelu fentren che ayüquelai ñi nehuentual ñi cüdahun mu. Feimu eimi cüdaufengelmi, cüme tripayaimi (Eclesiastés 3:13).

Reyon feipi: “Rume cüdauyüm, ayüucülequen. Feimu ayüquen ñi cüdaumequeal. Cafei cüme cüdaufengelmi, tati pu che cüme dunguai eimi mu”.

BIBLIA ÑI NGÜLAM: “Fillque cüdau ñi nehuentun meu femqueel pu che cümelcangequei” (Proverbios 14:23).

Cüpalechi ngülam quelluafeimu tami doi cüme cüdaufengeal.

Cüme adümuunge tami cüdau mu. Colegio mu elungelmi quiñe tarea, cüme entuafimi. Cam nielmi chem cüdau rume, loncontucunieafimi ñi cüme amuleal. Deu adümfilmi quiñe cüdau, yafüluhuaimi tami doi adümafiel, ca femngechi tami matu matu deumayafiel. Doi cüme adümuhulmi, doi ayüucüleaimi tami cüdau mu.

BIBLIA ÑI NGÜLAM: “¿Pequefimi quiñe adümuhun-ngechi cüdaufe huentru? Quisu cüdahuelpuafi pu lonco ülmen, chuchi che rume cüdahuel-layafi” (Proverbios 22:29).

Raquiduamnge caquelu pu che mu. Cüme cüdahulmi, cümelcayafimi caquelu pu che. Quiñe ejemplo, quellulmi chem cüdau mu rume mülelu ruca meu, tami pu familia ayüucüleai.

BIBLIA ÑI NGÜLAM: “Tati llouquelu ñi elungeel niei ayühun. Huelu doi niei ayühun tati hulquelu ñi nieel” (Hechos 20:35).

Femlayaimi tami feipingeel müten. Doi mai quelluafuimi caquelu dungu mu. Femülmi, doi cüdahuaimi eimi tami pin mu. Inei no rume obligalayaimu tami femal (Mateo 5:41).

BIBLIA ÑI NGÜLAM: “Femlayaimi tüfachi cüme dungu tami obligaeteu, huelu eimi quisu tami pin mu femaimi” (Filemón 14).

Elnge tiempo tami ürcütual. Cüme cüdaufengeal cüpa feipiquelai taiñ re cüdahual müten. Mülei tami adcünual tami antü, femngechi ayühun mu cüdahuaimi ca elaimi tiempo tami ürcütual.

BIBLIA ÑI NGÜLAM: “Doi cümei pichi ürcütual ta rume cüdahual meu. Tüfa quiñe che reque inantucuyauquelu ti cürüf” (Eclesiastés 4:6).