Pu perdonachefe rulpacünuquei caquelu che ñi huelulcan ca rumel illculelai. Huelu “huesa dungu no tami femün” pilayafui, ca femfaluulayai chem no rume tañi rupanon.

BIBLIA ÑI NGÜLAM: “Huesa femngelmün, illcutumequeulayaimün. Hueluquentu perdonahuaimün com piuque mu huesalcangelmün rume” (Colosenses 3:13).

Aaron feipi: “Rüf piuqueyefilmi quiñe che, re ngüneduamlayafimi müten tañi huelulcan, doi mai tañi yafüluuquen tañi cüme femal”.

Lladcütuniefiliyiñ taiñ afcadi, quisutu huesalcahuafuiñ, cutranconafuiñ cütu. Fei tüfa huesalcayafui taiñ curehuen-ngen.

Julia feipi: “Quiñe rupa tañi afcadi huesa femeneu. Tüfa müna cutrantupiuquefeneu, huelu perdonaen pieneu. Cüdautufulu rume tañi perdonayafiel, perdonafiñ. Doi cümeafui tañi pürüm perdonayafiel, huelu femngechi femlan. Femfuli, fente huesalcaulayafuyu”.

NGÜNEDUAMUUNGE

Huesa duamcülelmi tami afcadi tañi femün, ramtuunge:

• ¿Müchai huesa duamnagquen?

• ¿Rulpacünuafun? Cam, ¿duamfalngei tañi perdonaen pingeal?

QUIÑENTRÜR RAMTUHUAIMU

• ¿Tunten rupaquei tayu hueluconque perdonahual?

• ¿Chumafuyu tayu pürüm perdonahual?

QUIÑEQUE NGÜLAM

• Tami afcadi huesa duamelelmu, quisu ayüquei ñi huesa duamelaeteu pilayaimi.

• Yafüluunge tami pepilnieafiel tami afcadi. Acordange, “com iñchiñ fentren rupa huelulcauqueiñ” (Santiago 3:2).

Kimberly feipi: “Cüdaungelai tayu perdonahual mür huelulcauliyu. Huelu quiñe müten huelulcaule, cüdaungeafui. Taiñ perdonayafiel taiñ afcadi, mülefui taiñ ñom piuquengeal”.

BIBLIA ÑI NGÜLAM: “Matu cümelcautunge feichi che eimu” (Mateo 5:25).