Quisuque iñchiñ dulliafuiñ taiñ chumal
Chem taiñ dulliel ayühuelafeiñmu cam hueñancülafeiñmu. Chau Jehová quimniei tüfa, feimu ayüniei taiñ inayafiel quisu tañi ngülam.
Jehová duamquei taiñ tüngcüleal ca ayüucüleal.
“Iñche ta Jehová, tami Ngünechen, Tami Quimeltuqueteu eimi tami cümelcaleal, Tami Adniequeteu chem rüpü meu tami miyahual. ¡Ngüneduamniefulmi iñche tañi huercün dungu! Fei tami tüngün quiñe leufü reque feleai, ca tami nor dungu tati lafquen ñi reu reque feleai” (Isaías 48:17, 18).
Chau Jehová, taiñ Deumaeteu, cüme quimniei chumngechi mongen taiñ yenieal taiñ cüme feleal. Feimu quisu ayüniei taiñ inayafiel ñi feipin. Inañmafiliyiñ quisu tañi huercün dungu, cüme tripayai taiñ femün. Rumel cüme dulliaiñ, tüngcüleaiñ ca ayüucüleaiñ.
Jehová feipiquelaeiñmu femal taiñ pepi femnoafel.
“Tüfachi huercün dungu tañi huercümequefiel fachantü nehue cüdaungelai eimi mu, ca diturpuafuimi” (Deuteronomio 30:11).
Taiñ yenieal cüme mongen chumngechi ayüquei Jehová, duamfalngeafui cacünutual taiñ raquiduam ca taiñ femün. Huelu Chau Jehová feipiquelaeiñmu femal taiñ pepi femnoafel. Fei, taiñ Deumaeteu, cüme quimniei chem taiñ femafel ca chem taiñ femnoafel. Doi quimfilu am inchiñ, inaduamürpuiñ “tañi feipin cüdaungelai ñi inangeal” (1 Juan 5:3).
Jehová feipicünui quelluafiel pu inafilu ñi feipin.
“Iñche am Jehová, tami Ngünechen, nüñmanieyu tami man cuhu, feiti tami feipiqueteu: ‘Llicalayaimi. Iñche ta quelluayu’” (Isaías 41:13).
Yenieafuiñ cüme mongen chumngechi ñi ayüqueel Chau Dios, fei quelluaiñmu. ¿Chumngechi? Biblia mu. Tüfa mu peaiñ yafüluhun ca maneluhun.
Fentren che mapu meu quellueyu ta Biblia ñi nieal doi cüme mongen. ¿Ayüafuimi tami doi cüme quimafiel ti Biblia? Eluhuafuimi tami ngüneduamafiel ti folleto ¡Rumel ayüucüleaimi! pingelu. Cullilayaimi ca peafimi ti pagina internet jw.org mu. Ti folleto niei tüfachi cüla quimeltun:
-
Ñi feipin Biblia, ¿quellupeafeimu mai?
-
Biblia feipi taiñ cüme feletual
-
¿Maneluhuafuimi Biblia ñi feipin meu?
Papeltufilmi Biblia, ngüneduamaimi famülque mu petu falin-ngei ñi ngülam. “Afquentu manelfalngei, feula ca rumel mu” (Salmo 111:8). Inayafiel Biblia ñi ngülam rumel cümelcayaiñmu. Huelu Chau Dios turpu dicümtuculayaiñmu inayafiel ñi feipin (Deuteronomio 30:19, 20; Josué 24:15). Caque quiñeque iñchiñ mülei taiñ dullial.
