2 Korintio 12:2, 3 mu (TNM), Pablo feypi kiñe wentru “yengey ti külangechi wenu mu”. ¿Iney am ta tüfachi wentru? Tüfachi karta mu ñi wirintukulelfiel pu korintoche, Pablo feypi Ngünechen ñi elfalkünuetew tañi apostolngeal (2 Korintio 11:5, 23). Ka feypi Chaw Dios ñi pengelkeelchi dungu ka kiñe chumkawnorume pekenoelchi dungu. Feyta mu Pablo nütramkalay kakelu peñi mu. Feymu feypiafuiñ, Pablo llemay pengelelngey tüfachi afmatun dungu (2 Korintio 12:1, 5).

Feymu ti wentru yengelu “ti külangechi wenu mu” ka yengelu “ti küme mülewe mu”, fey ta Pablo ürke (2 Korintio 12:2-4, TNM). Pablo feypi Chaw Dios ñi pengelkeelchi dungu, feymu feypiafuiñ Pablo kimelelngey chem tañi rupayal küpalechi antü mu.

“Ti külangechi wenu” ñi peel ta Pablo, ¿chem adentuley?

Biblia mu, ti feypin “wenu” kakerumekey chem tañi adentulen. Kiñeke rupa adentuley tati kallfü wenu (Génesis 11:4; 27:28; Ebrew 11:12). Kakelu rupa adentuley pu che tañi gobierno (Daniel 4:20-22). Kafey adentuley Jewba ñi ngünenieel itrokom dungu mu, tüfa mu koneltuley Chaw Dios tañi Ngünenien (Apokalipsi 21:1).

Feymu Pablo nütramkalu “ti külangechi wenu mu”, ¿chem küpa feypi? Kiñeke mu, Biblia küla rupa feypi kiñe dungu, femngechi tañi doy küme kimtukungeal (Isaías 6:3; Ezequiel 21:27; Apokalipsi 4:8). Feymu Pablo nütramkalu “ti külangechi wenu”, küpa feypipelay ti doy küme gobierno ñi müleal: Mesia ñi Ngünenien, feyti mu longko ülmenküley Jesus ka pu 144.000 dullingelu ñi ngünenieal kidu engu. Feymu Pablo feypilu taiñ üngümkülen ñi müleal “we [...] wenu” Chaw Dios tañi feypikünuel, küpa feypi taiñ üngümkülen ñi akual Mesia ñi Ngünenien (2 Pedro 3:13).

Ti “küme mülewe” kay ñi nütramkael ta Pablo, ¿chem adentuley?

Ti feypin “küme mülewe” ka adentuley kakerume dungu: 1) we dewmangelu pu che elkünungey kiñe adelkalechi lof mu, feymu ti “küme mülewe” adentuley ti Küme Mülewe ñi müleal Mapu mu. 2) Adentuley ti küme felen Chaw Dios ñi eluafiel tañi pu che wengetule chi dungu. Ka 3) adentuley ti afmatufalchi küme felen ñi mülen wenu mu, fey tüfa “Ngünechen ñi küme mülewe” pingey Apokalipsi 2:7 mu (inaduamnge La Atalaya 15 julio 2015, pagina 8, parrafo 8).

Feymu Pablo nütramkalu tañi peel 2 Korintio 12:4 mu, küpa feypipelay tüfachi küla rume dungu.

Longkontukuaiñ tüfa:

“Ti külangechi wenu” ñi feypilen 2 Korintio 12:2 adentulepelay Mesia ñi Ngünenien, Jesukristo elfalkünungey ñi ngünenietual tati pu 144.000 dullinche engün, tüfa tati “we [...] wenu” (2 Pedro 3:13).

Tüfa tati doy küme gobierno ñi mülen, feymu “külangechi wenu” pingey.

Feychi “küme mülewe” chew ñi yengeel ta Pablo adentulepelay tüfachi küla dungu: 1) ti Küme Mülewe ñi müleal Mapu mu, 2) ti küme felen Chaw Dios ñi eluafiel tañi pu che feychi mu, tüfa doy kümelkaleay tañi nien mu engün famülke mu, ka 3) “Ngünechen ñi küme mülewe” wenu mu mülelu. Kom tüfa kiñentrür müleayngün Chaw Dios wekünutufile chi dungu.

Feley llemay, küpalechi antü mu Chaw Jewba kom wekünutuafi. ¿Chem piley tüfa? Feyta mu koneltuley tati we wenu ka ti we Mapu. Fey tüfa lle Chaw Dios ñi Ngünenien wenu mülelu ka pu che ñi poyeafiel ta Jewba kiñe küme mülewe Mapu mu.