MIERCOLES 24 enero 2018 puliwen mu, pu peñi ka lamngen mülelu Fetel Estados Unidos ka Canada mew müna ayüwingün kimelelngelu kay kiñe falin dungu: taiñ peñi Kenneth Cook, Jr. koneltuy tati Kiñewkülechi Ngünenielu pu Dungukelu Iney Ngen Jewba.

Taiñ peñi Kenneth Cook choyüngey ka tremi Pensilvania mapu mew (Estados Unidos). Petu ñi tripanon kolegio mu, kiñe kompañ kimeltueyew Jewba ñi Dungu, fey 7 konchi junio 1980 tripantu mu fawtisawi. 1 konchi septiembre 1982 tripantu mu, eluwi ñi küdawelafiel ta Jewba fill antü, kidu wünelerpuy amuldungun mu. Epu tripantu wüla, 12 konchi octubre 1984, mangelngey ñi konal Fetel mu Wallkill waria, Nueva York.

Amulechi 25 tripantu mu, taiñ peñi Kenneth Cook fillke küdaw nierpuy chew ñi nentuwiringekem fillke papel ka lifru ka ti Trokiñche Ngüneduamkelu ñi Kümelkaleal Fetel. 1996 tripantu mu, niewi tañi domo Jamie engu, mür küdawpuyngu Fetel Wallkill mew mülelu. Konlu diciembre küyen 2009, taiñ peñi Kenneth Cook engu tañi domo wiñamtuwi ti ruka ñi adkünuel ta Watchtower chew ñi kimeltucheken mülelu Patterson waria, Nueva York mew. Üye mu taiñ peñi elfalkünungey ñi kelluntukual tati Trokiñche Wiñoldungulu ñi Ramtukeel pu Papeltufe. Pichiñma mu wiñotuyngu Wallkill mew, welu konlu abril 2016 tripantu mu wiñamtuwingu Brooklyn waria, Nueva York mew mülelu. Kechu küyen rupalu, wiñamtuwingu tati ngüneniechi ruka Warwick waria, Nueva York mew mülelu. Fey wüla enero konchi 2017, taiñ peñi Kenneth Cook elfalkünungey ñi kelluafiel tati Trokiñche Adkünukelu ñi Wirintukungeal Fillke Papel ñi nieel ti Kiñewkülechi Ngünenielu.