1, 2. ¿Chumngelu duamniefuiñ ñi lan Jesus?

CULPALU Adan, kidu ka tañi pu familia ñi nierpuafel, afnoachi mongen niewelayngün. Adan kidu tañi duam mu culpay, feymu mülefuy ñi layal. Welu, ¿tañi pu yall kay? Fey engün chumkonpalafuy ñi femfel ta Adan (Rom. 5:⁠12, 14). ¿Chumfuy chi kay Jewba ñi elutuafiel rumel mongen? Pichi rupalu ñi culpan ta Adan, Jewba eluwi ñi pengelafiel tati pu che chumngechi ñi montulafiel ti culpan ka lan dungu mew (Gén. 3:⁠15). Fey rupayechi tripantu mu, Jewba werküy tañi Fotüm “ñi wülal tañi mongen ñi montulafiel ta rume fentren che” (Mar. 10:⁠45; Juan 6:⁠51).

² Wülün mu tañi mongen ta Jesus, wiñoleltufi tati pu che ñi rumel mongeletual (1 Kor. 15:⁠22). ¿Chumngelu duamniefuiñ? Kuyfi mu Jewba tañi ley feypikefuy langümngele kiñe che, mülefuy ñi kullingeal reke kangelu che ñi mongen mu (Éx. 21:⁠23, 24). Culpalu Adan, ñamümi tañi küme mongen ñi niekefel. Feymu ñi kullingeal tüfa, Jesus wülpay ñi culpan-ngenochi mongen, femngechi inay chem pilen Jewba ñi werkün dungu (Rom. 5:⁠17). Femlu tüfa, Jesus “Rumel Mülechi Chaw” pingetuy (Is. 9:⁠6; Rom. 3:⁠23, 24).

3. Ñi feypin Juan 14:⁠31 ka 15:⁠13, ¿chumngelu Jesus eluwkülefuy ñi wülal ñi mongen?

³ Jesus kom ñi mongen mu nor piwkeyefi ta Jewba ka femi kom ñi werküetew. Kafey wüli ñi mongen iñchiñ mu. ¿Chumngelu? Fente ñi piwkeyefiel mu tañi Chaw ka taiñ piwkeyenieetew iñchiñ (papeltunge Juan 14:⁠31; 15:⁠13). Jesus ñi duam mu, pu che maneluwtuafuy ñi rumel mongeleal Mapu mu, tüfa ñi ayükefel ta Jewba. Tüfachi trokiñ mu inaduamaiñ chumngelu fente sufriy ta Jesus.  Ka peaiñ chumngechi ti apostol Juan pengelkünuy ñi mañumkülen Jesus tañi lan mu. Ka peaiñ chumngechi pengelafuiñ taiñ mañumkülen Jewba ka Jesus ñi femün mu ka chumngechi doy falintuafuiñ ñi femün engu.

4. Feychi antü ñi layal ta Jesus, ¿chem weda dungu mu rupay?

⁴ Rakiduamnge ñi rupan ta Jesus feychi antü epe puwlu ñi layal. Fey ngillatuafuy ñi kelluaetew fentren kümeke püllü, welu chem pilay rume. Re presukünueyew müten pu soltau ka wülelkaeyew engün (Mat. 26:⁠52-54; Juan 18:⁠3; 19:⁠1). Fey wimakangey kiñe latigo mu, rume allfülkangey. Fey wüla, Jesus obligangey ñi meñkuyeafiel tati orkon mamüll chew ñi clafantukungeal. Fey pichi rupalu, Jesus yafüngewelay, fey pepi meñkuyewelafi tati orkon mamüll. Fey kangelu wentru obligangey ñi femal tüfa (Mat. 27:⁠32). Fey puwlu üyew, Jesus clafantukungey ti orkon mamüll mu. Pültrülelu, müna kutrantupelafuy tañi allfeñ. Kafey Jesus tañi ñuke ka tañi pu weni rume ngümakawmekefuyngün. Welu pu longkolechi religioso ayentuniefigün ta Jesus (Luka 23:⁠32-38; Juan 19:⁠25). Fentreñma mu Jesus rume sufriy. Ñi chumkünungen tañi cuerpo petu pültrülelu, rume küdawtuy ñi neyüal ta Jesus. Jesus kimniefuy ñi femmeken Jewba tañi ayükeel, feymu kom piwke mu llellipufi ta Jewba. Fey wüla, mültrongnakümkünuwi ñi longko, fey lay (Mar. 15:⁠37; Luka 23:⁠46; Juan 10:⁠17, 18; 19:⁠30). Fey llemay, petu ñi lanon Jesus rume illamkangey ka kutrankangey.

5. ¿Chem dungu doy weñangkülkefeyew ta Jesus?

⁵ Kutrankawfulu rume ta Jesus, doy weda duameleyew ñi dallukangen koyla dungu mu. ¿Chumngelu? Jesus feypingey ñi yamnienofiel ta Chaw Dios (Mat. 26:⁠64-66). Jesus rume piwkeyefuy tañi Chaw, feymu rume weñangkülkefeyew tüfa. Fey ngillatufi ta Jewba ñi rupanoal feychi weda dungu mu (Mat. 26:⁠38, 39, 42). Welu Jewba, ¿chumngelu katrütulafi ñi kutrankawal ka langümngeal ta Jesus? Peaiñ.

6. ¿Chumngelu duamfalngefuy ñi layal Jesus kiñe orkon mamüll mu?

⁶ Pu israelche culpafe chengefuyngün Adan ñi duam mu ka feypikünuyngün ñi inayal Jewba ñi ley dungu, welu femlayngün. Feychi epu dungu mu, mülefuy ñi layal engün. Feymu duamniefuyngün ñi layal ta Jesus, fey tañi nieal ta maneluwün (Rom. 5:⁠12). Feychi ley Jewba ñi elufiel pu israelche feypi chem che rume fütra culpafule, mülefuy ñi layal. Fey kiñeke mu, dew ñi lan pültrükünungefuy kiñe orkon mamüll mu (Deut. 21:⁠22, 23; 27:⁠26).⁠ * Feymu, lalu Jesus ti orkon mamüll mu, pu israelche malisiangewelayngün, fey maneluwtuafuyngün ñi rumel mongeleal (Gal. 3:⁠10, 13). Pu israelche famentufilu rume ta Jesus, ñi lan rume kelluafeyew engün.

7. Jewba, ¿ka chem dungu mu katrütulafi Jesus ñi kutrankawal?

⁷ Jewba katrütulafi ñi kutrankawal ta Jesus, femngechi adümelfi ñi Wünen Longko Sacerdotengerpual. ¿Chumngechi am? Kutrankawlu Jesus, kimürpuy  fente küdawngen inangeal Jewba ñi feypin rupan mu wedake dungu mu. Fente ñi kutrankawün ta Jesus newentu llellipufi ta Ngünechen ka ngümay kütu. Kutrankawlu am Jesus, kimtukuniey taiñ kutrankawkülen ka rüf kelluafeiñmu rupaliyiñ wedake dungu mu. Jewba küme adümelfi ta Jesus ñi Wünen Longko Sacerdotengeal, feymu rume mañumküleiñ iñchiñ (Eb. 2:⁠17, 18; 4:⁠14-16; 5:⁠7-10).

8. Jewba, ¿ka chem dungu mu katrütulafi Jesus ñi kutrankawal?

⁸ ¿Ka chem dungu mu fente kutrankawi ta Jesus? Jewba ayüfuy pengelkünual Weküfü ñi koylatufengen. Ti Weküfü feypi wedake dungu mu rupaliyiñ, famtripayaiñ Jewba mu. Ka feypi iñchiñ serfiniekefiyiñ Jewba re taiñ füreneaetew müten. Weküfü ka feypi iñchiñ rüf piwkeyekelafiyiñ ta Jewba, Adan reke (Job 1:⁠9-11; 2:⁠4, 5). Jewba kimniefuy Jesus ñi famtripalenoal kidu mew, feymu katrütulafi ñi kutrankawal. Feymu ñi femün mu ta Jesus, küme kimfalkünungey Weküfü ñi koylatufengen.

9. ¿Chemu inayentufali ti apostol Juan?

⁹ Fentren peñi, lamngen, pu füchalelu kütu rupakeyngün wedake dungu mu, welu newenküleyngün ka fentekünulayngün ñi amuldungual. ¿Chumngelu? Rume maneluwküleyngün Jesus ñi lan mu. Peaiñ ñi rupan ti apostol Juan. Fey doy 60 tripantu amuldungufuy peno Jesus ñi lan mu. Epe nielu 100 tripantu ti apostol Juan petu amuldungumekefuy, fey pu romano “rume kuñiwün-ngey ñi femmeken tüfachi wentru” pingün. Feymu presuntukueyew ka yeeyew Patmo pingechi wapi mu (Apok. 1:⁠9). Rume inayentufali ñi femün ti apostol Juan.

10. Juan, ¿chumngechi pengeli ñi mañumün Jesus ñi wülün ñi mongen?

¹⁰ Ti apostol Juan wirintukuy fente ñi mañumün Jesus ñi wülün ñi mongen mu. Ka wirintukuy chumngechi kümelkakeeiñmu tüfa. Doy 100 rupa nütramkay tüfa mu. Kiñe dungu ñi wirintukuel fey ta tüfa: “Nieiñ kiñe rangiñelwe ta Chaw mew, fey ta Jesucristo, kidu ta lif mongen niey” (1 Juan 2:⁠1, 2). Juan ka feypi fente falin-ngen taiñ nütramkayal Jesus mu (Apok. 19:⁠10, TNM). Kimfalküley ta Juan fente ñi mañumün Jesus ñi wülün ñi mongen. Iñchiñ ka femngechi pengelafuiñ taiñ mañumkülen. ¿Chumngechi kay? Peafiyiñ.

11. Rakiduamliyiñ taiñ femal wedake dungu, ¿chumafuiñ?

¹¹ Eluwküleaiñ wedake dungu taiñ femnoal. Rakiduamliyiñ taiñ femal kiñe weda dungu, rakiduamlayaiñ: “Feman müten. Tunte rume culpali iñche, Chaw Dios perdonayaenew” pilayaiñ. Doy may kümeafuy taiñ rakiduamal: “Femlayan. Jewba ka Jesus fentren kümelkan elukeenew iñche, ¿chemu femafun tüfa?”. Kafey ngillatuafuiñ ta Jewba: “Elkünumulayaiñ taiñ welulkangeal” piafuiñ (Mat. 6:⁠13, TNM).

12. Ñi feypin 1 Juan 3:⁠16-18, ¿chumngechi pengelafuiñ taiñ piwkeyeniefiel taiñ pu peñi ka pu lamngen?

¹² Piwkeyeafiyiñ kom taiñ pu peñi ka pu lamngen. Femngechi pengelaiñ taiñ mañumün Jesus ñi wülün tañi mongen.  ¿Chumngelu? Jesus fente ñi piwkeyefiel tati pu che wüli ñi mongen itrokom che mu (papeltunge 1 Juan 3:⁠16-18). ¿Iñchiñ kay? Duamtufiliyiñ taiñ pu peñi ka pu lamngen, pengelafiyiñ taiñ piwkeyeniefiel (Efes. 4:⁠29, 31, 32; 5:⁠1, 2, TNM). ¿Chumafuiñ fey engün mu? Kiñe tüfa kutrankülele ka rupale kiñe weda dungu mu, kelluafuiñ. Welu weda pieliyiñmu kiñe peñi kam kiñe lamngen, ¿chumafuiñ kay? Peafiyiñ.

13. ¿Chumngelu müley taiñ perdonayal?

¹³ Kiñeke taiñ pu peñi ka pu lamngen weda femeliyiñmu, kom taiñ mongen illkutunieafuiñ chi. Fey ¿chumafuiñ? (Lev. 19:⁠18). Inayaiñ chem pin Biblia: “Weda femngelmün illkutuniewlayaymün, welukentu perdonawaymün kom piwke mu, wedalkangelmün rume. Chaw Jewba kom piwke mu rulpakünuy kom tamün welulkan, feymu ka femngechi femkeaymün” (Kol. 3:⁠13, TNM). Perdonaliyiñ taiñ pu peñi, pu lamngen, pengelkefiyiñ ta Jewba taiñ mañumkülen Jesus ñi wülün ñi mongen. ¿Chumaiñ taiñ doy falintuafiel tüfa? Peafiyiñ.

14. ¿Chumafuiñ taiñ doy falintuafiel Jesus ñi wülün ñi mongen?

¹⁴ Mañumtuafiyiñ ta Jewba Jesus ñi lapan iñchiñ mu. Kiñe kushe lamngen India mapu tuwlu, Joanna pingey, feypi: “Rume falin-ngey fill antü mañumtuafiel ta Jewba ñi wülün tañi Fotüm iñchiñ mu” pi taiñ lamngen. Chem dungu mu rume welulkawliyiñ, llellipuafiyiñ ta Jewba ka “perdonaen Chaw” piafiyiñ. Welu fütra culpaliyiñ, ka mülefuy taiñ feypiafiel pu longkolelu taiñ kelluaetew. Tüfa engün küme allkütuaeiñmu ka Biblia mu küme ngülamtuaeiñmu. Kafey kiñentrür llellipuay iñchiñ mu taiñ perdonangeal, femngechi Jesus tañi duam mu küme weniyewtuafuiñ Jewba engu (Sant. 5:⁠14-16).

15. Kümeafuy taiñ doy ngüneduamal Jesus ñi femün, ¿chumngelu am?

¹⁵ Rakiduamaiñ fente ñi kutrankawün ta Jesus. Ka kiñe lamngen, 73 tripantu nielu feypi: “Papeltufiel mu fente ñi kutrankawün ta Jesus, apokey tañi nge külleñu mew” pi taiñ lamngen. Iñchiñ ka femngechi duamküleafuiñ chi. Welu  doy rakiduamliyiñ fente ñi kutrankawün ta Jesus, doy piwkeyeafiyiñ ka doy piwkeyeafiyiñ ta Jewba. Feymu kidu estudialmi Biblia, doy ngüneduamafuymi ñi femün ta Jesus.

16. ¿Chumngelu müley taiñ kimeltucheal Jesus ñi wülün tañi mongen? (Inaduamnge ti adentun wenulelu).

¹⁶ Enseñacheaiñ Jesus ñi wülün tañi mongen. ¿Chumngelu? Doy nütramkacheliyiñ Jesus tañi femün mu, doy falintuafiyiñ. Müley fentren publicacion ngüneduamkelu chumngelu lapay Jesus iñchiñ mu. Kiñeke tüfa fey tati folleto ¡Kümeke dungu küpalu Dio mew! pingelu, ti kimeltun 4 feypilelu: “¿Iney (iñi) am ta Jesukristo?”. Kangelu fey tati lifru ¿Chem kimeltukey Biblia? pingelu, ti chillkatun 5 feypi: “Jesus ñi wülün tañi mongen, ti doy falin yewün Chaw Dios mu küpalu”. Kom tüfa kelluafeiñmu taiñ kimeltucheal. ¿Ka chem chumafuiñ taiñ doy falintuafiel Jesus ñi femün? Fill tripantu acordayafiyiñ Jesus tañi lan ka feypiafiyiñ tati pu che ñi femal. Chaw Jewba elfalkünueiñmu taiñ enseñacheal Jesus mu, ¡rume falin küdaw tati!

17. ¿Chumngelu am fente falin-ngey tañi lan ta Jesus?

¹⁷ Taiñ ngüneduampeel kellukeeiñmu taiñ doy falintuafiel ka mañumafiel Jesus ñi wülün ñi mongen. Jesus ñi lan mu, kom dungu norkületuay. Küme weniyetuafuiñ ta Jewba ka norümngetuay Weküfü ñi wedake femün (1 Juan 3:⁠8). Küme elkünungetuay ti Mapu, chumngechi ñi ayükeel ta Jewba. Kafey kom pu che piwkeyeafi ka serfiafi ta Chaw Jewba. Feymu fill antü mañumnieafiyiñ ta Jewba Jesus ñi lan mu.