Tüfa mu müley kiñeke ramtun tripalu Ti Werken 2020 tripantu mu. ¿Petu longkontukuniefimi kay ti wiñoldungun?

¿Chumngechi müley taiñ trokiafiel tati pu dullin cristiano?

Falintukefiyiñ fente ñi maneluwkülen engün Jewba mu, welu püramyekelafiyiñ engün. Iñchiñ pu cristiano ngen, püramyekelafiyiñ chem che no rume. Ramtukalayafiyiñ pu dullin cristiano chumngechi kimtukuyngün ñi dullietew Jewba (w20.01, pagina 29).

¿Chem pengeleiñmu taiñ duamnieetew Jewba?

Biblia feypi petu taiñ choyüngenon rume, Jewba ngüneduameiñmu. Kafey allkütukey taiñ llellipun. Jewba kimniey chem ñi mülen taiñ piwke mu ka chem taiñ rakiduamkülen. Taiñ femken ayüwülafuiñ kam weda duamelafuiñ ta Jewba (1 Crón. 28:⁠9; Prov. 27:⁠11). Jewba fültukueiñmu kidu mew (w20.02, pagina 12).

¿Tunten mew kümeafuy taiñ dungual ka taiñ dungunoal?

Ayüwünkechi dungukeiñ ta che Jewba mu. Pefiliyiñ ñi epe welulkawün kiñe che, mülefuy taiñ ngülamtuafiel. Kafey tati pu longkolelu müley ñi ngülamtuafiel feychi che welulkawmekelu ti trawünche mu. Ramtukalayafiyiñ pu peñi ka pu lamngen mülelu chew ñi katrütungekeel taiñ amuldungun küdaw. Feypiyawlayaiñ kimnoafelchi dungu (w20.03, pagina 20 ka 21).

Ti chori nütramkangelu Joel capitulo 2, ¿chumngelu trürlay tati nütramkangelu Apokalipsi capitulo 9?

Joel 2:⁠20-29 pengeli Jewba feypikünuy: “Iñche alü kamapukünutuafiñ” tati pu chori. Jewba ka feypifi pu israelche ñi kullilelafiel kom tañi wedalkaetew pu chori. Fey wüla, Jewba wüli tañi newen. Tüfachi dungu femtriparpuy feychi Babilonia ñi pu weychafe nüfilu Jerusalen waria. Apokalipsi 9:⁠1-11 adentuley ñi femken pu dullin cristiano. Fey engün wüldungukeyngün ñi afal kom ñi ngünenieel tati Weküfü, femngechi kutrankakefingün reke Weküfü ñi pu inanieetew (w20.04, pagina 3 puwlu 6).

Famülke mu, ¿iney am tati rey del norte?

Rusia ka tañi pu kellukeetew. Fey engün kayñetukefi taiñ pu peñi ka pu lamngen, ka elukelafi ñi amuldungual engün. Pengelkeyngün ñi üdekefiel Jewba tañi pu che. Ka welukentu notukawkey tati rey del sur engu ñi wüneleal (w20.05, pagina 13).

Galata 5:⁠22, 23 feypiley aylla dungu, ¿fey müten pemay tati fruto del espiritu?

Femlay. Llowliyiñ Chaw Dios ñi newen kakelu kümeke dungu femürpuafuiñ, kiñe tüfa ta nor piwkengeal (Efes. 5:⁠8, 9) (w20.06, pagina 17).

Feypiliyiñ redes sociales mu kom taiñ femken iñchiñ, ¿chumngelu kümelayafuy?

Taiñ wirintukuel redes sociales mu ka taiñ foto ka taiñ video mu pengelafuiñ taiñ mallmawürpun, ñom che pingelayafuiñ (w20.07, pagina 6 ka 7).

Pu amuldungukelu, ¿chumngechi inayentuafuy pu kümeke challwafe?

Pu kümeke challwafe kimnieyngün chew ñi miyawken ti challwa ka küme dullikey chem hora mu ñi kintuchallwayal. Küme adümniekeyngün tañi herramienta. Newen piwke mu küdawkeyngün kimnolu rume ñi chumlerpual ti lafken. Ka femngechi pepikawafuiñ iñchiñ taiñ amuldungual (w20.09, pagina 5).

¿Chumngechi kelluafuiñ pu estudiakelu Biblia ñi doy piwkeyeafiel ta Jewba?

Feypiafuiñ engün ñi papeltual Biblia fill antü ka ñi rakiduamal tañi papeltukeel mu. Ka enseñayafiyiñ engün chumngechi ñi llellipual (w20.11, pagina 4).

Pablo feypi: “Kristo mew itrokom che wiñomongetuay”. ¿Chem küpa feypifuy? (1 Kor. 15:⁠22).

Feyta mu Pablo feypilay ñi wiñomongetual kom pu che. Doy may wirintukulelfi tüfachi carta pu dullin cristiano, fey engün ‘dullingeyngün ñi koneltual Kristo ñi trokiñche mew’ (1 Kor. 1:⁠2; 15:⁠18) (w20.12, pagina 5 ka 6).

Kom pu dullin cristiano mülepule ta wenu, ¿chumayngün? (1 Kor. 15:⁠51-53).

Pu dullin cristiano kiñewayngün Jesus engün, fey ngünenieafingün kom pu che “kiñe pañillwelechi retrü mew reke” (Apok. 2:⁠26, 27) (w20.12, pagina 12 ka 13).