BIBLIA ÑI FALIN DUNGU | ISAÍAS 58-62
“Ñi wüldungual ti tripantu Jewba ñi tutekefiel pu che”
“Ti tripantu Jewba ñi tutekefiel pu che” kiñe tripantu reke ngelay
61:1, 2
-
Tüfa kiñe medin antü, fey Jewba eluñmakefi tati pu ñomngelu ñi küme llowal Ngünechen ñi werkün dungu
-
Ti wünen siglo mu, fey koni ti tripantu Jewba ñi tutekefiel pu che, Jesus eluwlu ñi amuldungual 29 tripantu taiñ mülen antü (t.m.a.), ka fentepuy, Jerusalen apümkangelu am 70 tripantu t.m.a., tüfa ti antü Chaw Jewba ‘ñi apümkafiel tañi pu kayñe’
-
Famülke mu, “ti tripantu Jewba ñi tutekefiel pu che” fey koni 1914 tripantu mu, longko ülmenkünungelu ta Jesus wenu mapu mu, ka fentepuay akule ti fütra kutrankawün
Jewba kümelkayafi ñi pu che, fey eluafi engün “fütrake anümka nielu nor dungu”
61:3, 4
-
Mapu mu ti doy fütrake anümka kiñentrür tremkeyngün mawidantu mu, üye mu tati pu anümka welukonkechi kelluwkey reke
-
Fütrake anümka ñi folil pürowkey engün reke, küme anümkaley ñi folil mapu mu, fey kellukeeyew ñi newentuleal ti fütrake kürüftuku mawün mu
-
Ti fütrake anümka llawfeñmakefi ti pu doy pichike anümka, ka ti pu anümka llangkünagkelu ñi tapül kümelkakefi ti mapu
Ti “fütrake anümka nielu nor dungu”, fey tüfa pu mülewechi dullingelu, kellukefi ka kuñiwtukukefi kom pu che koneltulelu Jewba ñi trokiñche mu.
