KIMELTUN 5
Noe ñi antü mu rupachi Fütra Mangin Ko, ¿iney engün allkütufi ta Ngünechen?
Tati che mülekefulu Noe ñi antü mew, re wedake dungu mekefuyngün Génesis 6:5
Adan ka Eva nierpulu ñi pu yall, rupalechi tripantu mu mülerpuy fentren che Mapu mew. Feymew, kakelu pu püllü ka kayñetufingün ta Ngünechen, Satana reke.
Tüfa engün wenu mapu mew nagpayngün, che adngetuyngün, ayülu engün am tañi nieyeafiel pu domo. Niefuyngün re wedake yall, ka doy newen-ngefuy kakelu pu che mu.
Tüfachi Mapu apolekefuy re wedake che mew. Biblia feypi: ‘Wentru ñi rume wedake dungu ñi femmeken. Rakiduamkefuyngün ñi re wedalkamekeal engün.’
Noe allkütufi ta Ngünechen ka dewmay ti fütra wampo ruka Génesis 6:13, 14, 18, 19, 22; Ebrew 11:7
Noe küme wentru em. Jewba feypifi: ‘Iñche apümkayafiñ kom wedake che, kiñe fütra mangin ko mew.’
Ngünechen ka feypifi ta Noe: ‘Dewmange kiñe fütra wampo ruka, ñi kenayam. Tukulafimi kom fillke kulliñ, ka müley tami konal eymi ka tami pu che.’
Noe kimelfi kom pu che tañi küpayal kiñe fütra mangin ko, welu tati pu che allkütuñmalaeyew ñi feypiel. Kiñeke ayekawingün, kakelu rume üdeeyew.
Noe dewmalu chi fütra wampo ruka, tukuy fill kulliñ ponwi mew
Eimi ca ayüafuimi
TATI BIBLIA KA TAÑI WERKÜN DUNGU
Montuyngün kiñe fütra mangiñ ko mu
¿Chumngelu tati Mapu apoy wedake dungu mu? ¿Chumngechi Noe pengeli ñi püntütripanon ta Ngünechen?
