¿KUTRANPIWKEYELAFIMI tüfachi kutran? Job pingey, ka feychi domo fey ñi domo. ¿Eymi kimimi chem ñi pimekefiel Job? ‘Malisiafinge ta Ngünechen, ka lange.’ Peafiyiñ feytichi domo chumngelu ñi feypin, ka chumngelu (chemu) am chi fente kutrankawkülen Job.

Job nor wentru ngerkefuy, ka rumel feyentukefi Jewba. Mülekerkefuy Us pingechi mapu mew, müte kamapulekelafuy Kanaan mew. Jewba rume piwkeyefi Job, welu mülerkey kiñe ñi rume üdenieetew. ¿Kimimi iney ngen ñi üdenieetew?

Feyta Satana chi Weküfü. Tukulpange, Satana weda püllü, üdekefi Jewba. Kidu femi Adan engu Eva ñi feyentunoal Jewba, ka rakiduami kom pu che ñi feyentunoafiel Ngünechen. Welu, ¿femi kay tüfa? Femlayafuy llemay. Rakiduamnge fentren pu nor wentru ka domo kom kimiyiñ. ¿Chumten üytuafuymi?

Dew lalu Jakob ka Jose Egipto mu, Job doy nor wentru ngefuy Jewba mew kom Mapu mu. Jewba ayüfuy ñi kimelafiel Satana, kom pu che ñi wedalkanoel. ‘Lelifinge Job’, pifi. ‘Pefimi püntüwkelay iñche mew.’

Chafdunguy Satana: ‘Eymi kümelkaniefimi, feymu püntüwkelay, ka fentren kümekelu niey. Welu müntuñmafilmi, malisialayaymu chi am.’

Feymu Jewba feypi: ‘Amunge. Müntuñmafinge. Kom wedake dungu femfilnge ta Job tami ayüel. Peafiyu malisiayaenew chi am. Welu kuñiwtuwküleaymi tami langümnoafiel müten.’

Wüne Satana femi kiñeke wentru weñeñmafingün Job ñi kechan kulliñ, ka pu kamellu, ka ñi pu ufisa lankepirkey engün. Ka langümüñmafi ñi mari fotüm ka ñawe kiñe fütra kürüf mew. Fey wüla, elufi Job tüfachi weda kutran. Job rume kutrankawi. Feymu lle ñi domo feypieyew: ‘Malisiafinge ta Ngünechen, ka lange.’ Welu Job pilay. Kafey küpayngün küla wedake weni ka feypieyew: “Weda mongen yeniekeymi”. Welu Job püntüwlay Ngünechen mew.

Tüfa rume ayüweleyew Jewba, ka fey wüla kümelkalelfi Job, chumngechi peafuymi tüfachi adentun mu. Ngünechen tremoleltueyew ñi kutran. Job ka wiño mari tutekelu yall ngetuy, ka llowi epu fentren tañi niekefel kuyfi ta kechan kulliñ, ufisa ka kamellu.

¿Eymi rumel püntüwlaymi chi am Jewba mew, Job reke? Femülmi, Ngünechen ka kümelkayaeymew. Tüfachi Mapu rumel küme mülewe ngele küme, adngeay Eden reke, afnoachi mongen nieafuymi.