JESU tremolfilu (mongelfilu) epu ngillatuplatakechi trawma, pichin antü mu wüla, küpay kiñe pichi (püchü) waria mew püllelelu (püchü tripa) Jerusalen waria mu. Feypifi epu tañi pu inanieetew: ‘Konpumu ti waria mew, peaymu kiñe we furiku (burro). Neykümfimu, fey küpalelmuan.’

Fey engu küpalfilu ti furiku, Jesu angkadpüray (pürakawellutuy). Fey mew angkadpüralerpuy ta Jerusalen waria mew, petu pichi kamapulelu. Fülpulu waria mew, rume (mütre) fentren che tripay ñi trafmeaetew. Epe kom che nentuyngün ñi wente takün, ka tranakünufi ti rüpü mu engün. Kakelu che elkünuyngün tapül palmera, ka wiraringün: ‘¡Ngünechen ñi fütra küme felen niepe tati rey küpalelu Jewba ñi üy mew!’

Fütra kuyfi Israel mapu mu, tati we pu rey konkefuyngün Jerusalen waria mu ankadpüralekey (pürakawellutukey) kiñe furiku mu ñi pengeluwal kom pu che mew. Femngechi femi Jesu. Ka tüfachi pu che pengeli ñi ayüfiel Jesu ñi ngünenieaetew engün. Welu kom pu che duamlaeyew. Peafiyiñ chem dungu rupan Jesu, amulu ti ngillatuwe ruka mew.

Ti ngillatuwe ruka mu Jesu tremolfi (mongelfi) trawmangechi pu che ka lañmalelu ñi kuerpu. Tati pu pichikeche pefilu tüfa, püramyefingün Jesu wirarün mu. Welu tüfachi dungu mu tati pu saserdote illkuyngün (lladküyngün), ka feypifi Jesu engün: ‘¿Allküymi am ñi feypimeken tüfachi pichikeche?’

‘May,’ pi Jesu. ‘¿Papiltukelafimün am feypilelu Biblia mew: “Tati pu pichikeche ñi wün mu Ngünechen entuay püramuwün?” ’ Fey mew tati pu pichikeche amuley ñi püramyeafiel ti rey wül-lu Ngünechen.

Iñchiñ ayüiñ feyti pichikeche reke ngetual, ¿felelay? Kiñeke che ayüafuychi taiñ dunguwenoal Ngünechen ñi reyno mu. Welu iñchiñ amuleay taiñ dungunieafiel kake che ti afmangechi dungu Jesu ñi femal kom pu che mu.

Jesu mülepalu tüfachi Mapu mu petu puwlay chi antü tañi ngünenietual. ¿Chumül puway feychi antü? Tati pu inanieetew ayüy (küpa) ñi kimafiel. Papiltuafiyiñ fewla.