Falinque nütram Biblia mu:

• Sl 78:1-8. Pu Israel che nütramelquefingün tañi pu yall chem ñi rupan tañi pu cuifiqueche yem, femngechi ñi maneluhual engün Chau Dios mu ca ñi feyentunieafiel.

• Lu 2:51, 52. Jesús culpafengelafui, huelu feyentuniefi tañi chau ca tañi ñuque, culpafengelu rume engu.

Falinque nütram Biblia mu:

• Dt 21:18-21. Moisés ñi ley feipilefui quiñe yall tremle, huelu feyentunofile tañi fütaqueche ca turpu yamnienofile, mülefui ñi layal.

• 2Re 2:23, 24. Quiñeque pichique huentru huesa ayentufilu ta Elías, Chau Dios ñi huerquen, epu osa langümeyu epe com engün.

Falinque nütram Biblia mu:

• Le 26:9. Pu Israel che, quiñe cümelcan cüpalu Chau Jehová mu troquiquefi tañi pu yall.

• Job 42:12, 13. Job cutrancaulu rume, püntütripalai Chau Jehová mu, feimu cümelcaeyu, elueyu domo ca mari yall.

Falinque nütram Biblia mu:

• Gé 27:41; 33:1-11. Jacob fentren cümeque dungu femfi tañi peñi Esaú, femngechi pengelelfi tañi yamniefiel ca cümelcautual engu, feimu Esaú piuqueyen mu llohueyu.

Falinque nütram Biblia mu:

• Gé 11:31, 32. Abrahán tripalu Ur huaria mu, yefi tañi chau Taré, fei cuñiutucufi fentepuulu tañi mongen.

• Mt 15:3-6. Jesús nütramcai Moisés ñi ley mu, fei quimeltui pu tremcülechi yall mülei ñi eluafiel chem tañi duamnieel tañi pu fütaqueche.