Rakiduamnge tüfachi rupan dungu: Jose amuley ñi auto mu kiñe lof püle tañi kimnofiel. Ngüneduamlu tati rüpü ñi üy ka tati ruka, kimi ñi ñiwiyawkülen. Amuy kiñe rüpü mu ñi kon-noafel.

Eymi ñiwiyawülmi Jose reke, ¿chumafuymi?

Fillke dungu femafuymi:

1. Feypiafuymi kiñe che tami ngüyulaetew chew tami küpa amual.

2. Ngüneduamafuymi kiñe mapa kam kiñe GPS.

3. Amuleafuymi müten tami puwal tati rüpü mu tami kintuyawfiel.

Tati 3 dungu, fey tati doy weda dungu tami femafel.

Tati 2 dungu doy kümey ti wünen dungu mu: tami kuwü mu nieafuymi ti mapa kam ti GPS, fey ngüyulaeymu ti rüpü mu.

Ka femngechi kelluafeymu ti Biblia.

Tüfa ti lifru ñi doy kimniengekeel, fey tüfa:

• Ngüyulaeymu rupalmi wedake dungu mu.

• Kelluaeymu tami doy küme kimuwal ka tami doy küme chengeal.

• Kimeltuaeymu chumngechi doy küme yenieal tami mongen.

Kim dungulu müten, iñchiñ ramtuwkeiñ:

• ¿Chumngelu am kallfüley chi wenu?

• ¿Chumngelu am ta fente wilüfi tati wangülen?

Fey wüla femkeiñ fillke ramtun ti mongen mew:

• ¿Chumngelu am ta rupakeiñ wedake dungu mu?

• ¿Chumngelu am lakeiñ?

¿Kimkefuymi tati Biblia ñi wiñoldunguel tüfachi ramtun?

Fentren che feypikey Biblia mew “re epew müten müley”, kam “rume kuyfi tuwün-ngey”, kam “pepi kimfal-lay” pikeyngün. Welu, ¿rüf felepey may? ¿Rüfngepey may ñi dunguken ti pu che Biblia ñi feypin mu? ¿Rüf kimniepefingün may?

Kiñe dungu: pu che trokiwkey Biblia ñi feypin mew Ngünechen ngüneniefi tüfachi Mapu. Welu, ¿chumngechi femafuy tüfa? ¡Tüfachi Mapu mu kom wedalkaley! Wall püle müley eyütun ka kutrankawün, kutran ka lan dungu, filla dungu ka apümkan. ¿Femngechi femkünupey may kiñe poyen-ngechi Ngünechen?

¿Küpa kimimi iney ñi ngünenieel ti Mapu? Afmatuafuymi Biblia ñi feypilen mu.

Ngüneduampelaymi kom tati ngülam mülelu tüfachi papel mu ñi tuwün Biblia mu. Tati pu Dungukelu Iney Ngen Jewba kimkeiñ Biblia ñi manelfalngen taiñ ngüyulaetew, tüfa wirintukungelu am “Ngünechen tañi adkünuel ka ñi piel mew, feymew rume kümey ñi kimeltulngeael ta che ka ñi ngülamtungeael ti welulkawkülelu, ka yafülngeael ka ñi kimelngeael ta che” (2 Timotew 3:16, 17). Allmalltuaymi tami küme kimnieafiel tüfachi lifru kuyfi wirintukungelu, welu fantepu mu taiñ kimeltukeetew.