QUIMELTUN 03

¿Maneluhuafuimi Biblia ñi feipin meu?

AMULCÜNUNGEAL

Tati Biblia maneluhun dungu nütramcaquei ca cümeque ngülam hulquei. Eimi ayülefuimi chi tami quimal chem ñi quimeltuqueel ta Biblia, huelu ramtuuqueimi chi: “Biblia fütra cuifi tuhun niei, fei ¿maneluhuafun tañi feipin mu? ¿Rüf quellupeafeneu?”. Fentren che rume maneluuquei Biblia ñi feipin mu. Fei eimi cai, ¿ca maneluhuafuimi Biblia ñi feipin mu? Inaduamafiyiñ quiñeque dungu.

1. ¿Rüfngepei mai Biblia ñi nütramcaqueel?

Biblia pengeli ñi rüfngen com ñi huiriconcülen (Eclesiastés 12:10). Biblia nütramcaquei tañi rupan mu fentren che (papeltuaimi Lucas 1:3; 3:1, 2). Huelu feica müten no, Biblia ca pengeli chem tripantu meu rupai quiñeque dungu, cheu ñi rupan ca üitunquepefi quiñeque che. Fei, ¿rüfngepei mai ñi feipin tüfachi dungu meu? Fentren quimche feipingün ñi rüfngen tañi feipin.

2. Cuifi huirintucungefulu rume ta Biblia, ¿manelfalngepei mai?

Biblia nütramcaquei fentren dungu ñi müte quimngequenofel. Raquiduamnge tüfa: Biblia nütramcai ñi chumlen ti Mapu, fei pu che müte feyentuquelafui tüfa mu. Huelu fantepu meu quimngerpui ñi rüfngen tañi feipin. ¡Felei llemai! Biblia tañi feipin rumel manelfalngei (Salmo 111:8).

3. ¿Chumngelu (chemu) maneluhuafuimi Biblia tañi feipilen?

Tati Biblia feipilei fillque dungu ñi ruparqueafel (Isaías 46:10). Fillque dungu ñi feipicünuel Biblia, fente cüme femtripamequei. Huelu Biblia ca feipi chem ñi rupamequeal taiñ antü meu. Tüfachi quimeltun mu inaduamaiñ chumngechi mupitripai Biblia tañi feipicünuel. ¡Afmatufali tañi femtripan!

DOI QUIMAIMI

Ngüneduamaiñ ñi rüfngen Biblia ñi feipin fillque dungu meu. Ca ngüneduamaiñ ñi fente afmatufalngen chumngechi femtripai quiñeque dungu ñi feipicünuel Biblia.

4. Quimngerpui ñi rüfngen Biblia ñi feipin

Cuifi meu tati pu che raquiduamquefui tati Mapu ñi rentrülequefel quiñe chemcün meu. Peaiñ ti VIDEO.

VIDEO: Tati Mapu chem meu no rume pültrülelai (1:13)

Ngüneduamaiñ chem huirintucungei Biblia meu rume fütra cuifi mu. Papeltuaiñ Job 26:7, ca ngüneduamaiñ tüfachi ramtun:

Fütra cuifi mu Biblia feipi ti Mapu pültrülei “chem meu no rume”, ¿chumngelu afmatufalngei tüfa?

Nehue cuifi mu, quimngerpui chumngechi adcünungei chi co tañi afnoam. Huelu doi fütra cuifi mu quimeltuuyequefui Biblia. Papeltuaiñ Job 36:27, 28, ca ngüneduamaiñ tüfachi epu ramtun:

Ñi feipin Biblia tüfa mu, ¿chem doi afmatufimi?
Tami inaduampeel mu, ¿doi maneluhuimi Biblia mu?

5. Biblia feipicünui quiñeque afmatufalchi dungu

Papeltuaiñ Isaías 44:27–45:2, ca ngüneduamaiñ tüfachi ramtun:

200 tripantu petu ñi apümcangenon Babilonia, Biblia ¿chem feipicünui ñi rupayal?

Peaiñ ti VIDEO.

VIDEO: Biblia feipicünui ñi apümcangeal ta Babilonia (0:58)

Rüf femtripallei mai Biblia ñi feipin. Fütra cuifi mu, ti huentru loncolefulu Persia mapu meu, Ciro pingei, ca tañi pu hueichafe nüfingün Babilonia huaria. Fei, ¿chumi Ciro ñi nüafiel tüfachi huaria? Fei tüfachi pu hueichafe cañpüle üyulfingün ti leufü. ¿Chem rupai hula? Femconpuingün ti huaria mu. Cafei nülalerquei tati huaria ñi fütra puerta, feimu quehualaingün rume ñi nüafiel. Deu rupauyei 2.500 tripantu ñi apümcangen Babilonia, fei fantepu meu petu teifücalei. Feula ngüneduamaiñ chumngechi Biblia feipicünui com feichi dungu ñi rupan Babilonia mu.

Papeltuaiñ Isaías 13:19, 20, ca ngüneduamaiñ tüfachi ramtun:

¿Chumngechi femtripai ñi feipicünuel Biblia?

Femngechi felehuetui Babilonia

6. Biblia meu huirintucungei taiñ rupamequen

Biblia pengeli ñi pichilehuen ñi afal tati huesaque dungu (2 Timoteo 3:1). Huelu ca feipi chem ñi rupayal petu ñi afnon tati huesaque dungu.

Papeltuaiñ Mateo 24:6, 7, ca ngüneduamaiñ tüfachi ramtun:

Tati Biblia, ¿chem feipi ñi rupayal taiñ mülen antü meu?

Papeltuaiñ 2 Timoteo 3:1-5, ca ngüneduamaiñ tüfachi ramtun:

Biblia ñi feipin mu, ¿femngechi felepei mai tati pu che?
Ti huesaque dungu taiñ inaduampeel, ¿chuchi am doyelcülei?

QUIÑEQUE CHE FEIPIAFEIMU: “Biblia ñi feipin manelfalngelai”.

¿Chumngelu manelfalngei Biblia piafuimi? ¿Chem pimi cai?

TAMI QUIMEL

Fillque dungu ñi feipicünuel Biblia, femtripai. Ca nütramcalu ñi chumlen ti Mapu, rüfngei ñi feipin. Tüfa pengeli Biblia ñi feipin manelfalngei, huelulcalelai.