QUIMELTUN 28
Falintufinge ñi femün Jehová ca Jesús eimi meu
Quiñe tami pu hueni eluelmu quiñe regalo, ¿chum duamnagquei tami piuque? ¿Rume ayüuquepelaimi? ¿Ca pengelquepelaimi tami hueni tunte tami mañumcülen feichi regalo meu? Jehová ca Jesús ca elueiñmu tati doi falin dungu taiñ nierpuafel. ¿Chem am feichi dungu? ¿Ca chumngechi pengelafuiñ taiñ mañumcülen Jehová ca Jesús meu?
1. ¿Chumngechi pengelafuiñ taiñ mañumcülen Jehová ca Jesús ñi femün meu?
Biblia feipi tati pu che feyentule Jesús meu, nieai rumel mongen (Juan 3:16). Huelu, ¿chumngechi pengelafuiñ taiñ feyentuquen Jesús meu? Re feipilayaiñ müten taiñ feyentuquen Jesús meu, doi mai taiñ raquiduam ca femquen meu pengelaiñ taiñ rüf inaniefiel (Santiago 2:17). Femngechi femliyiñ, doi fülmaucüleaiñ Jesús ca Jehová meu (papeltuaimi Juan 14:21).
2. ¿Chem falin trahun meu pengelafuiñ taiñ mañumniefiel ta Jehová ca Jesús?
Feichi pun petu ñi lanon, Jesús quimelelfi tañi pu inaniequeteu ca chem chumafuingün ñi pengelal tañi mañumcülen. Feichi pun meu huercüfi tañi pu discipulo ñi trahuluhual engün, femngechi ñi acordangeal quisu tañi lan. Famülque meu tüfachi trahun feipingequei Tati trahun Jesús tañi lan ñi acordangeal (1 Corintios 11:20). Huelu, ¿chumngelu Jesús elcünui tüfachi trahun? Femngechi com tañi pu inaniequeteu ñi acordayal quisu tañi lan com pu che ñi duam meu. Feimu Jesús feipi: “Femqueaimün ta tüfa, fei pengelaimün tamün raquiduamtucumufiel iñche” (Lucas 22:19). Trahuluhulmi tami acordayafiel Jesús tañi lan, pengelaimi tami rüf mañumcülen Jehová ca Jesús ñi femün iñchiñ meu.
DOI QUIMAIMI
¿Chumngechi pengelafuiñ taiñ mañumcülen Jehová ca Jesús ñi fütra piuqueyechen meu? ¿Ca chumngelu ti trahun Jesús tañi lan ñi acordangeal fente falin-ngei? Feula inaduamafiyiñ ta tüfa.
3. ¿Chumngechi pengelafuiñ taiñ mañumcülen?
Raquiduamnge tüfachi dungu meu: quiñe antü leufü meu ürfimequeimi, fei quiñe che montueimu, ¿matumatu ngoimafuimi tüfachi che? ¿Cam quintuafuimi chumngechi mañumafiel?
Ca femngechi reque Jehová montuleiñmu. Papeltuaiñ 1 Juan 4:8-10, ca ngüneduamaiñ tüfachi epu ramtun:
-
¿Chumngelu fente fali Jesús tañi lan?
-
¿Chum duameleimu Jehová ca Jesús ñi femün eimi meu?
¿Chumngechi pengelafuiñ taiñ mañumniefiel ta Jehová ca Jesús ñi femün iñchiñ meu? Papeltuaiñ 2 Corintios 5:15 ca 1 Juan 4:11; 5:3, fei ngüneduamaiñ tüfachi ramtun:
-
¿Chumngechi pengelafuiñ taiñ mañumcülen?
4. Inayentuquefiyiñ ta Jesús
Inayentufiliyiñ ta Jesús ca pengelafuiñ taiñ mañumcülen. Papeltuaiñ 1 Pedro 2:21, ca ngüneduamaiñ tüfachi ramtun:
-
¿Chumafuimi tami cüme inayentuafiel ta Jesús?
Jesús rume falintuquefui Ngünechen tañi Dungu, quimelelfi tati pu che ti cümeque dungu cüpalu Ngünechen meu ca quelluchequefui.
5. Trahuluuqueiñ taiñ acordayafiel Jesús tañi lan
Tati hunen trahun femngelu ñi acordangeal ta Jesús, ¿chem dungu rupai? Papeltuaiñ Lucas 22:14, 19, 20, ca ngüneduamaiñ tüfachi epu ramtun:
-
¿Chem dungu rupai tüfachi hunen trahun meu?
-
Ti cofque ca ti pulcu, ¿chem adentulei? (Pefinge Lucas 22:19, 20).
Jesús ayüfui tañi pu inaniequeteu fill tripantu ñi acordayafiel feichi antü tañi lan mu. Feimu iñchiñ pu Dunguquelu Ineingen Jehová fill tripantu trahuluuqueiñ ñi acordayafiel Jesús tañi lan mu, chumngechi femi Jesús cuifi meu. ¿Ayüafuimi quimal chem femngequei tüfachi falin trahun meu? Peaiñ ti VIDEO, ca ngüneduamaiñ tüfachi ramtun.
-
Ti trahun Jesús tañi lan ñi acordangeal, ¿chem femngequei?
Ti cofque adentulei Jesús tañi culpan-ngenochi cuerpo hul-lu iñchiñ taiñ duam meu. Ca ti pulcu adentulei Jesús tañi mollfüñ.
QUIÑEQUE CHE FEIPIAFEIMU: “Cüpa montulngelmi, mülei tami feyentuafiel Jesús müten”.
-
Ñi quimelelafiel quiñe che ñi duamfalngen femal caquelu dungu, ¿chumngechi quelluafeimu ñi feipin Juan 3:16 ca Santiago 2:17?
TAMI QUIMEL
Feyentuliyiñ Jesús meu ca trahuluuliyiñ taiñ acordayafiel quisu tañi lan, pengelaiñ taiñ rüf mañumcülen quisu tañi femün meu.
¿Chem piafuimi?
-
Quiñe che, ¿chumngechi pengelafui ñi feyentulen Jesús meu?
-
¿Chumngechi pengelelafuimi ta Jehová ca Jesús tami mañumcülen ñi femün mu engu?
-
¿Chumngelu rume falin-ngei amual ti trahun Jesús tañi lan ñi acordangeal?
CA PEAFUIMI
Jesús tañi lan meu, ¿chem eluucüleaimi tami femal?
Quimürpunge chumquei tati pu che feyentuquelu Jehová ca chem chumafuimi tami doi maneluhual quisu meu.
“Pengelnge tami maneluucülen Jehová mu” (Ti Huerquen octubre, 2016)
Quiñe domo quimlu chumngechi cümelcaeyu Jesús tañi lan, müna cüme duamcületui. Pefinge tañi rupan ti troquiñ mu feipilu: “Doi cüme duamcületun ñi mongen mu”.
“Ti Biblia cüme elcünutueyu ñi mongen” (Ti Huerquen 1 agosto, 2011)
Ti trahun mu Jesús tañi lan ñi acordangeal, quiñeque che müten iquei ti cofque ca pütocoquei ti pulcu, ¿chumngelu?
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
