Tati pu Chillkatukelu Biblia eluwingün ñi küdawal Jesu ñi feypin mu, “ñi disipulungeal tati pu che kom mapu püle”. Welu fentren küdaw niefuyngün ñi femal ka mülefuyngün ñi doy küme inaduamal kiñeke Biblia ñi kimeltun. Ka mülefuy ñi chaftuafiel fillke wedake dungu, femngechi doy amulerpual ñi mupiltun. Tüfachi kimelelchi video dungu nielu epu trokiñ, welu tüfachi inangechi video, peaymi chumngechi Jewba pepikakefi tañi pu che 1922 tripantu mu puwlu famülke mew.