Trahun Jesús tañi lan ñi acordangeal
Sabado antü 12 conchi abril, 2025 tripantu mu
Fill tripantu, pu Dunguquelu Ineingen Jehová trahuluuqueingün ñi acordayal Jesús tañi lan chumngechi ñi huercücünuel. Quisu feipi: “Femqueaimün ta tüfa, fei pengelaimün tamün raquiduamtucumufiel iñche” (Lucas 22:19).
Mangeluhuaiñ tami amual tüfachi trahun mu.
Eimi ramtuhuafuimi chi
¿Tunteñmayai ti trahun?
Quiñe hora peno.
¿Cheu am ta femngeai tati trahun?
Ramtufinge quiñe Dunguquelu Ineingen Jehová tami feipiaeteu cheu ñi femngeal.
¿Cofrangequei tañi conam feichi trahun mu?
Femngequelai.
¿Pedingequei plata trahun mu?
Femngequelai.
¿Chumngechi tucutuucüleal tañi amuam?
Feipingequelai pu che chumngechi ñi tucutuucüleal, huelu pu Dunguquelu Ineingen Jehová yafüluuquei inayal Biblia ñi ngülam tañi cüme tucutuhual (1 Timoteo 2:9). Duamfal-lai rume falinque tacun.
¿Chem dungu femngeai ti trahun mu?
Ñi conal ti trahun quiñe ülcantun mülequei, ca quiñe Dunguquelu Ineingen Jehová ngillatuquei. Fei hulngequei tati hueupin cheu feipingequei ñi fente falin-ngen Jesús ñi lan mu ca chumngechi cümelcaeiñmu ñi femün Jehová ca Jesús iñchiñ mu. Fentepun chi hueupin ca hulngequei quiñe ülcantun, fei quiñe peñi ngillatuquei.
Tami doi quimal, papeltuafuimi ti troquiñ “Pu Dunguquelu Ineingen Jehová chumngechi ñi acordaquefiel Jesús tañi lan mu, huelu ¿chumngelu trürlai ñi femquen caquelu pu religion mu?”.
Cüpalechi tripantu mu, ¿chumül acordayaiñ Jesús tañi lan?
2025: sabado antü 12 conchi abril.
2026: jueves antü 2 conchi abril.
Eimi ca ayüafuimi
TRAHUN ÑI ACORDANGEAL
Acordayafiyiñ Jesús ñi lan
Ayühunquechi mangeluhuayiñ tami acordayal Jesús ñi lan inchiñ mu chumngechi ñi feipicünuel Jesús. Quimaimi chumngechi cümelcayafeimu Jesús ñi mongen ca tañi lan.
FALINQUE QUIMELTUN BIBLIA MU TRIPALU
¿Chumngelu lai Jesús?
Eimi allcütuafuimi chi: “Jesús lai iñchiñ taiñ culpan mu”. Huelu ñi femün quiñe che müten, ¿rüf cümelcayafui ta fentren pu che?