Job 4:1-21
4 Ukatsti Elifaz+ sat temanita chachajj akham sasaw sarakïna:
2 “Maynin parljjayatajj ¿janit pacienciamp istʼkäta?
Ukampis ¿khitirak amukïspasti?
3 Cheqpachans jumajj waljaniruw cheqañchayätajja,jan chʼamanïpki ukanakarus chʼamañcharakiyätawa.
4 Lanktʼaski ukarus arunakamampiw waytirïtajja,khitinakantï qonqorinakapajj khatatiski ukanakarus chʼamañcharakiyätawa.
5 Ukampis jichhajj jumaruw ukajj pastamjja, jumaw wali llakitätajja.*
Jumaruw waktʼtamjja, jumaw desanimat uñjastajja.
6 ¿Diosar wal respetatamajj janit Diosar confiyañatak yanaptʼktamjja?
¿Diosar taqpach chuymamp servitamajj+ janit suytʼañatak yanaptʼktamjja?
7 Mirä amp suma, amtamaya: ¿khiti jan juchani jaqerak janïr jiwañapäkipan jiwisti?
¿Kunapacharak cheqap jaqenakajj tukjat uñjasipjjesti?
8 Kuntï nayajj uñjkta ukarjamajja, khitinakatï jan walinak yapuchapki* ukanakasakhitinakatï jan waltʼäwinak phawapki ukanakasa uka pachparak apthapipjje.
9 Jupanakajj Diosan phustʼataw jiwapjje,jupan wal colerasitapatwa chhaqtapjjaraki.
10 Leonajj warariwa, wayna leonajj warartʼarakiwa,ukampis chʼamani leonanakan laka chʼakhanakapas qʼala tʼunaratawa.
11 Mä leonajj jan kuna manqʼañanïsaw jiwi,león qallunakajj anarpayatarakiwa.
12 Mayniw jamasat jutasin parlitu,mayniw jiñchu jakʼat jiskʼat parlitu.
13 Arumarusti kunapachatï nayajj iktʼaskta ukhajja,jan waltʼayir kunayman amuyunakaw samkanakan jutitu.
14 Wali ajjsarañaw nayarojj khatatiyitu,taqe chʼakhanakajar wali ajjsarañampi phoqantañkama.
15 Mä espirituw ajanuj patjja pasitu,ñikʼutajas sayarjjarakiwa.
16 Ukatsti uka espiritojj ukjaruw saytʼi,ukampis janiw nayajj kunätaps amuykti.
Mä chʼiwiw nayraqatajankaskäna.
Uka cheqan janiw kunas istʼaskänti, ukatsti akham sir mä aru istʼarakta:
17 ‘¿Mä jiwir jaqejj Diosat sipans jukʼamp cheqapäspati?
¿Luriripat sipans mä jaqejj jukʼamp qʼomäspati?’ sasa.
18 Jupajj janiw servirinakapar confiykiti,angelanakapan* pantjasitanakaps thaqarakiwa.
19 Yamas ñeqʼet lurat utanakan jakasirinakarojj pantjasitanakap jukʼamp thaqani.
Cimientonakapas laqʼa patjjankiwa,+¡jupanakajj raphaylitonakjamaw tʼalpjat uñjasipjje!
20 Jupanakasti alwajj jakasipkiwa, ukampis jaypʼurojj tʼalpjataw uñjasipjje.
Jupanakajj wiñayatakiw chhaqtapjjani, janirakiw khitis uk amuykaniti.
21 ¿Janit jupanakajj pitanakap* tʼaqaraski uka tinkut carpar uñtasitäpki?
Jupanakajj jan kuna yatiñaniw jiwapjjaraki.
Notanaka
^ Hebreo arunjja, “qaritätajja”.
^ Jan ukajja, “amtapki”.
^ Jan ukajja, “yatiyirinakapan”.
^ Variante: “kawuyanakap”.
