Job 40:1-24
40 Jehová Diosajj akham sasaw Job chachar saskakïna:
2 “¿Mä kʼumisir jaqejj Taqe Chʼamani Diosamp jiskhisispati?+
Diosar cheqañchir jaqejj jayspan”+ sasa.
3 Job chachajj akham sasaw Jehová Diosar jaysäna:
4 “Cheqas nayajj janiw kunäktsa.+
¿Kunarak jaysirismasti?
Lakajs amparampiw lluptʼasta.+
5 Nayajj mä kutiw parlta, ukampis janiw mayamp jayskäti.
Pä kut parlkta uka arunakarojj janiw kuns yaptʼkäti” sasa.
6 Ukatjja Jehová Diosajj mä jachʼa thaya+ taypiw Job chacharojj jaysäna, akham sasa:
7 “Mirä amp suma, mä chʼaman chachjamay wakichtʼasim,nayaw jumar jisktʼäma, jumasti jaysarakitätawa.+
8 ¿Jumajj cheqaparjam uñjatajarojj kʼumitätati?*
¿Razonanïñamatakit nayarojj juchañchitäta?+
9 ¿Jumajj cheqpach Diosjamat chʼamani amparanïta?+
Jan ukajj ¿jupanjamach juman arumajj mä qʼejjo qʼejjor uñtat suynaspa?+
10 Mirä amp suma, chʼamampi jachʼañchatäñampi kʼachachtʼasim,jachʼätamsa jachʼañchatäñamatak derechonïtamsa uñachtʼayam.
11 Juman utjki uka wali colerasitam antutam,jachʼa jachʼa tukurirojj amuyump uñjam, ukatsti jiskʼacharakim.
12 Taqe jachʼa jachʼa tukurinakarojj wali amuyump uñjam, ukatsti humillarakim,jan wali jaqenakarojj uka pachpar takichasim.*
13 Taqe jupanakarojj laqʼar imantam,chʼamak cheqan chinuntarakim.*
14 Ukhamäni ukhajj naya pachpaw arsurista,*juman chʼamani amparamajj jumaru salvañ pueditapjja.
15 Behemot* animalat amuytʼam, jupajj toro kikpakiw pasto manqʼasi.
Nayaw juparusa jumarusa lurapjjsma.
16 ¡Jupan caderapajj qhawqha chʼamanis uk uñjam,purakapan ankunakapajj qhawqha chʼamanis uk uñjarakim!
17 Jupan wichʼinkapajj mä cedro qoqar* uñtat chʼollqhewa,lankhu charapan ankunakapajj kʼanantatarakiwa.
18 Jupan chʼakhanakapajj cobret luratawa,charanakapajj hierrot luratarakiwa.
19 Diosan luratanakap taypinsti nayrankarakiwa.*
Luriripakiw juparojj mä espadampi jiwayaspa.
20 Jupan manqʼañanakapajj qollunakanwa jilarapi,kawkjantï taqe salvaje animalanakajj anatapki uka lugarana.
21 Jupajj loto* sat qoqanak* jakʼanwa winktʼasi,siniyanakan* utjir cañanak taypina.
22 Loto sat qoqanakan* chʼiwipaw juparojj chʼiwtʼayi,vallen utjir álamo sat qoqanakaw juparojj muytapjjaraki.
23 Jawiran wali chʼamamp saraqanitap laykojj janiw sustjaskiti,Jordán+ jawiran umanakapas jupan lakapar chʼamamp purkchejja, janiw ajjsarayaskiti.
24 Jupajj uks aks wal uñchʼukiski ukhajj ¿maynejj jupar katuntaspati,jan ukajj mä ganchompich nasap pʼiyjaspa?
Notanaka
^ Jan ukajja, “janis kunäkaspa ukhamti uñjäta”.
^ Variante: “taksum”.
^ Hebreo arunjja, “ajanup chʼoqtʼarakim”.
^ Jan ukajja, “jachʼañchirisma”.
^ Inas hipopótamo animalat parlaskchi.
^ Jan ukajja, “arbolar”.
^ Hebreo arunjja, “nayrïrirakiwa”.
^ Ukajja, chʼapirar ramanakan mä aliwa jan ukajj jiskʼa qoqawa (arbolawa).
^ Jan ukajja, “arbolanak”.
^ Jan ukajja, “pantanonakan”.
^ Jan ukajja, “arbolanakan”.
