Oseas 6:1-11
6 “Jutapjjam, Jehová Diosar kuttʼjjañäni,jupajj jiskʼa jiskʼsa tukjchistojja,+ qollistaniwa.
Nuwantkchistusa, heridanakas chʼoqtʼistaniwa.
2 Pä urutjja, jupajj wasitat jaktayistani.
Kimsa urutjja, sartayistaniwa,jiwasajj jupa nayraqatanwa jakañäni.
3 Jiwasajj Jehová Diosaruw uñtʼañäni, jupar uñtʼañatakejj wal chʼamachasiñäni.
Kunjamtï intejj alwan qhantʼkejja ukhamarakiw jupajj jiwasan ukar jutani,wal jalluntir jalljamaw jiwasan ukar jutani,kunjamtï qhepa jallojj oraqer chʼachʼantki ukhama”.
4 “Efraín, ¿kunsa jumamp luräjja?
Judá, ¿kunsa jumamp luräjja?
Juman munasiñamasa jan jaytjasiñamas alwa urpur uñtasitawa,jankʼak wañsur sullar uñtasitawa.
5 Ukatwa profetanak taypejj jupanakar jiskʼa jiskʼa khuchunoqäjja,+lakajat mistur arunakampiw jiwarayäjja.+
Juma contra juchañchäwinakajj qhanjamaw qhanani.+
6 Nayarojj munasiñampi jan jaytjasiñampiw* kusisiyitu, janiw sacrificionakajja,Diosar uñtʼañaw kusisiyitu, janiw nakhantayat ofrendanakajja.+
7 Ukampis jupanakajj aleq jaqenakakïsajj lurat pacto pʼakintapjje.+
Oraqepanwa nayarojj apanukupjjetu.
8 Galaad markajj jan wali lurir jaqenakaniwa,+walja wila wartaraki.+
9 Kunjamtï lunthatanakajj maynir lunthatañatak suyjjatapkejja, ukhamäpjjew sacerdotenakajja.
Siquem marka jakʼanwa thakin jiwayapjje,+jupanakan sarnaqapjjatapajj phenqʼaskañätap layku.
10 Israel markan sinti jan walinakwa uñjta.
Ukanwa Efrainajj prostitutjam sarnaqe,+Israelajj qʼañuchasiwa.+
11 Judá, jumatakejj mä cosechaw uttʼayasi,markajat preso katuntat apatanakar tantachthapkä ukapachana”.+
Notanaka
^ Jan ukajja, “khuyaptʼayasiñampiw”.
