Salmos 94:1-23
94 ¡Enemigonakat vengasir Jehová Dios Tata,+enemigonakat vengasir Dios Tata, qhantʼam!
2 Oraqen Juezapa, sartam.+
Jachʼa jachʼa tukurinakarojj jan wal lurapjjatapat castigam.+
3 Jehová Dios Tata, ¿kunapachkamarak jan wali jaqenakajj kusisitäsipkakinisti?
¿Kunapachkamarak jan wali jaqenakajj kusisitäsipkakinisti?+
4 Jupanakajj jan amuktʼasaw jachʼa jachʼa tukus parlapjje,taqe khitinakatï jan walinak lurapki ukanakajj jupanak pachpaw jachʼañchasipjje.
5 Jehová Dios Tata, jupanakajj markamaruw aynachtʼayapjje,+herenciamaruw* tʼaqesiyapjje.
6 Jupanakajj viudanakarusa extranjeronakarus jiwayapjjewa,jan awkin wajcha wawanakarus* jiwarayapjjewa.
7 Jupanakajj akham sapjjewa: “Jah Diosajj janiw uñjkiti,+Jacobun Diosapajj janiw uk yatkiti”+ sasa.
8 Ak amuytʼapjjam, jan amuytʼañ munir jaqenaka,jan amuytʼasir jaqenaka, ¿kunapacharak suma amuytʼasirïpjjatam uñachtʼayapjjätasti?+
9 Khititï jiñchunak lurki ukajj ¿janit istʼkaspa?
Khititï nayranak lurki ukajj ¿janit uñjkaspa?+
10 Khititï markanakar cheqañchki ukajj ¿janit cheqañchkaspa?+
¡Jupaw jaqenakar yatiñ churir Diosajja!+
11 Jaqenakan amuyunakapjja Jehová Diosajj yatiwa,jupanakan amuyunakapajj aleq samsuñampi sasipjjakiwa.+
12 Jah Dios Tata, kawkïr jaqerutï jumajj cheqañchkta ukajj kusisitawa,+khitirutï leyimat yatichkta ukajj kusisitawa,+
13 ukhamat jan waltʼäwi urunakan sumankañ jupar churañapataki,jan wali jaqejj mä pʼiyaru jalantañapkama.+
14 Kuna laykutejj Jehová Diosajj janiw markaparojj apanukkaniti,+janirakiw herenciaparojj* jaytanukkaniti.+
15 Mayampiw justiciajj utjani,cheqap chuymaninakajj taqeniw ukar arkapjjani.
16 Jan wali jaqenak contrajj ¿khitirak naya favorajj saytʼasini?
Jan walinak lurir jaqenak contrajj ¿khitirak naya toqet saytʼasini?
17 Jehová Diosatï jan yanaptʼkitaspäna ukhajja,jankʼakiw nayajj jiwiriskayäta.+
18 Kunapachatï “kayujajj llustʼtaskiwa” sasin nayajj siskayäta ukhajja,Jehová Dios Tata, munasirïtamas jan jaytjasirïtamas katjjasiskakitänwa.+
19 Kunapachatï llakinakajj aynachtʼaykitäna ukhajja,jumaw nayar chuymachtʼistajja, tranquilokïñatakis yanaptʼistajja.+
20 Jumajj janipuniw jan wali gobiernonakamp* chikajj trabajkätati,kuna laykutejj leyi taypiw jupanakajj problemanak utjayañ amtapjje.+
21 Cheqap sarnaqer jaqerojj jan sinttʼasisaw atacapjje,+jan juchanirus jiwayatäñapatakiw juchañchapjje.+
22 Ukampis Jehová Diosajj seguro imantasiñajaruw tukuni,nayan Diosajajj imantasiñ qarqajawa.*+
23 Jupanakan jan wali luratanakapjja Diosajj jupanak pachparuw kuttʼayanini.+
Pachpa jan wali luratanakap taypiw jupanakarojj tukjani.
Jehová Diosasaw jupanakarojj tukjani.+
Notanaka
^ Jan ukajja, “markamaruw”.
^ Variante: “iñu wawanakarus”.
^ Jan ukajja, “markaparojj”.
^ Jan ukajja, “juezanakamp”. Hebreo arunjja, “tronomp”.
^ Variante: “jaqhejawa”.
