Kunatï israelitanakarojj Moab lugaran paskäna ukajja, cristianonakarojj wal yanaptʼistu (1Co 10:6, 8, 11). Israelitanakajj moabita warminakampiw amigöñ qalltapjjäna, uka warminakajj qʼañu jucha luririnaka idolonakar adoririnaka ukhamäpjjänwa. Uka warminakaw israelita chachanakarojj jachʼa juchanakar purtʼasiyapjjäna. Ukham lurapjjatapatwa israelitanakajj jan walinakan uñjasipjjäna (Nú 25:9). Jichhürunakanjja, trabajir masinakasatsa, colegionkir masinakasatsa, vecinonakasatsa, familiaranakasatsa waljanejj janiw Diosar servipkiti. Ukhamajja, ¿jupanakan amigopäñajj walikïskiti? ¿Israelitanakar paskäna ukat kunsa yateqsna?

JIWASAN AMUYASIÑASATAK SARNAQÄWINAKA (FRAGMENTO) SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunsa Zimrí ukat yaqha chachanakampejj Jamín chachar sapjjäna?

• ¿Kunjamsa Finehás chachajj Jamín chachar yanaptʼäna?

• ¿Diosar jan adoriri jaqenakar sum uñjañampi, jupanakan amigopäñampejj kunansa jan kikpäki?

• ¿Kunatsa congregación taypin amigonakas sum ajlliñasaraki?

• Redes sociales ukanakan ¿kunatsa jan uñtʼatanakampejj jan parlañasäki?