Walja ajayunakaw utji siw Biblianxa. Ukat Jehová Diosas mä ajayurakiwa (Juan 4:24; 2 Corintios 3:17).

Janïr kunas utjkäna ukhaxa Jehová Diosax sapakiw alaxpachan jakasïna. Ukhamax walja ajayunak lurañwa qalltatayna, uka ajayunakax angelanaka satäpxiwa. Uka angelanakaxa, jaqinakat sipansa wali chʼamani wali chʼikhi amuyuni ukhamäpxiwa. Jehová Diosax walja angelanak luratayna; ukat Daniel profetax mä visionan patak millón angelanakwa uñjarakïna (Daniel 7:10; Hebreos 1:7).

Janïr aka Uraq lurkasaw Diosax uka angelanakar luratayna (Job 38:4-7). Ukhamax uka angelanakatxa janiw maynïrisa aka Uraqin jakasin jiwïr jaqinakäpkänti.