¡SARTAPJJAÑÄNI! 2018 Núm. 2 | Familian sum jakasiñataki 12 yanaptʼanaka
Familian sum jakasiñataki 12 yanaptʼanaka
Aka tiemponjja, familianakajj janiw sum jakasjjapjjeti sasaw waljanejj sapjje, ukampis ¿kunatsa walja familianakajj mayachtʼata sum jakasipjje? ¿Kunas uka familianakar yanaptʼpacha?
Instituto Nacional de Estadísticas (INE) ukarjamajja, Bolivia markan 2014 maranjja, 9.788 divorcio certificadonakaw churasïna, ukampis 2015 maranjja, 14.268 divorcio certificadonakaw churasjjäna.
Wali yatjjattʼat jaqenakajja, wawanakarojj janiw jawqʼjañäkisa ni kamsañäkisa sasaw sapjje. Yaqhepasti, wawanakarojj jawqʼjasapuniw yatichañasa sasaw sapjjaraki. Awk taykanakajj kun lurañas walïspa uk janiw yatjjapjjeti.
Wayn tawaqonakajja, jilïr jaqëjjasin sum jakasiñatakejj janiw wakichtʼatäpkiti.
Ukampis janiw ukhamäñapapunïkiti.
Chacha warmjamajj kusisita, jan jaljtasaw jakassna.
Awk taykanakajj wawanakapar munasiñamp cheqañchañwa yateqapjjaspa.
Wayn tawaqonakajja, jilïr jaqëjjasin sum jakasiñatakiw wakichtʼasipjjaspa.
¿Kunas familianakar yanaptʼaspa? ¡Sartapjjañäni! sat aka payïr revistanwa, familian sum jakasiñataki 12 yanaptʼanakajj utji.
1. Janipun jaljtañ amtaña
Chacha warmjam jan jaljtapjjañamatakejja, kimsa suma ewjjtʼanakaw aka yatichäwin utji.
2. Purapat yanaptʼasiña
¿Chacha warmjamat jakasipjjta, jan ukajj pachpa utan jakiri pä jaqjamakïpjjtcha?
3. Respetasiña
¿Kuna arunakasa, kuna luratanakas chachamaru jan ukajj warmimaru respetomp uñjañatak yanaptʼiristam?
4. Perdonasiña
¿Kunas chachamana jan ukajj warmiman jan wali luratanakapak jan uñchʼukiñatakejj yanaptʼätam?
5. Sum parltʼasiña
Wawanakamamp parltʼasiñatak kimsa yanaptʼanaka.
6. Cheqañchaña
Wawamar cheqañchasma ukhajja, ¿janis kunatak walïkaspa ukhamti amuyasispa?
7. Sum yatichaña
¿Kunanaksa awk taykanakajj wawanakapar yatichapjjañapa?
8. Luratasamp yatichaña
Awk taykanaka, wawanakaman istʼasirïpjjañap munapjjstajja, yatichapkta ukarjamaw sarnaqapjjañama.
9. Kunjam jaqëtas uk yatiña
¿Kunjamsa wayn tawaqonakajj creyitanakap sum qhanañchapjjaspa?
10. Confiykañ jaqëña
Awk taykaman jumar jukʼamp confiyapjjatapajj suma phoqeri jaqëñatakiw yanaptʼätam.
11. Suma trabajtʼirïña
Waynäkasin kusisit trabajiñ yateqañajja, kunanaktï amtkäta ukanak phoqañatakiw yanaptʼätam.
12. Kuns luräta uk amtaña
Amtanakam phoqañajja, juma pachpar jukʼamp confiyasiñataki, amigonakamamp jukʼamp sum apasiñataki, kusisit jakasiñatakiw yanaptʼätam.
Familianakatak jukʼamp yanaptʼanaka
Biblian ewjjtʼanakapajj familian sum jakasiñatakiw yanaptʼiristam.
