¿Kunsa amtäta?
“Kunanakatï alajjpachansa oraqensa utjki ukanakajj ina chʼusatakwa uñsti” (Stephen Hawking ukat Leonard Mlodinow: El gran diseño [David Jou i Mirabent ukan traducita], 2010).
“Diosaw alajjpachsa oraqsa luräna” (Biblia, Génesis 1:1).
¿Diosat alajjpachsa aka oraqsa jakañ vidsa lurpacha jan ukajj aleq ukhamatakcha uñstpacha? Aka yatichäwi qalltan física toqet yatjjatat pä chachanakajj kuntï sapki ukhamarak kuntï Bibliajj siski ukampejj janiw pachpäkiti. Uka toqenakatjja jaqenakajj may mayaruw creyipjje. Ukatwa kuntï creyipki ukjja wali aljat libronakansa, televisionansa arjjatapjje. Maysa toqetjja, yaqhepajj janiw kunarus creyiñ munjjapjjeti.
Mä Luririn utjatapat parlañat sipansa inas yatichirinakamajj alajjpachasa aka oraqesa vidasa ina chʼusatsa uñstkaspa ukham yatichapjjstam, ukampis ¿mä Luririn jan utjatap sumti qhanañchapjjtam? Jan ukajj inas religión pʼeqtʼirinakarojj mä Luririn utjatapat parlir istʼarakirïsta. Ukampis ¿uka toqet sumti amuytʼayapjjerïtam? ¿Jan ukajj aleq ukhamakcha creyiñamatak chʼamañchapjjerïtam?
Jumajja uka toqet wal lupʼpachätajja janiw mä Luririn utjatapat yatksnati sasin inas saraksta. Uk yatiñajja wakisipunpachati sasin inas jumajj jisktʼasiraksta.
Aka revistajja kunatsa waljanejj mä Luririn utjatapar creyipjje ukwa qhanañchani. Ukatjja kunjamsa vidajj qalltäna uksa qhanañcharakiniwa.
Akanakajj inas gustarakiristam
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
