¿Jumax amttati?

Jichhak mistsuskäna uka Yatiyañataki sat revistan yatichäwinakap liytʼasaxa, ¿askinak apstati? Aka jisktʼanakar qhanañchasmati:

• Casarasiñ pasatatxa yaqhip jilat kullakanakaxa, ¿kuna jan waltʼäwinsa uñjasipxaspa ukat kun lurapxañapasa?

Yaqhipanakax jaqichatäxasinxa chachapasa warmipasa mayj mayjäpxatap amuyasipxi. Ukampisa, chacha warmjama jan jaljtañatakix chʼamachasipxañapawa, kunattix Diosan arunakapar pʼakintasa divorcior puriñaxa janiw walïkiti (Abril 1, 25 jana).

• Jaqichasitanakarux pusi iwxanakaw jan waltʼäwinakap askichapxañapatakix yanaptʼaspa, ¿kawkïrinakasa?

Kunapachas jan waltʼäwi askichapxasma (Ecl. 3:1, 7). Kunjamsa jikxatasta ukxa qhanwa respetompi sañama (Efe. 4:25). Maynir istʼañamarakiwa, kunjamsa jikxatasi uk amuyañamawa (Mat. 7:12). Mä suma amtar puripxañamawa (Ecl. 4:9, 10) (Julio-Septiembre, 25-27).

• Jesusax Diosat mayisiñ yatichkäna ukarjamaxa, ¿kunjamatsa yaqhanakataki askïki uk luraraksna?

Jiwasar jan walinak lurapkistu ukanakar khuyaptʼayasisa juchanakap pampachasarakiw yaqhanakan askip munatas uñachtʼaytanxa (Mayo 1, 13 jana).

• ¿Kawkïrinakas Uraqpachan Jilir Irpirinakan uñjirinaka satäkis ukanakaxa?

Uñjirinakan pʼiqtʼirinakapa, Betelankirinakar Uñjirinaka, Qillqatanak tuqit Uñjirinaka, Yatiyañ tuqit Uñjirinaka, Yatichañ tuqit Uñjirinaka ukat Qillqirinakan Uñjirinakapa (Junio 1, 29 jana).

• ¿Kunatsa Uma Juiciox taqi aka Uraqpachan pasäna sasin sissna?

Jesusaxa janiw Uma Juicion utjatapataki yatkänti, jan ukasti kunja muspharkañänsa ukxa sum yatïna. Ukatwa kunapachatï Biblian Uma Juiciot parlaskixa aka ñanqha pachax ukhamarakiw tukjatäni sasispaxa (Julio-Septiembre, 9 jana).

• Khitinakas Romanos 1:24-32 qillqatan jikxataski uka ñanqha luräwinak lurapxirïna, ¿judionaka jan ukax jan judiüpki uka jaqinakacha?

Chiqpachansa inas panpachaniru saschïna, ukampisa Diosat jithiqtas ñanqha lurir judionakatwa Pablox parläna. Jupanakax sum yatipxänxa “kuntix Diosa[x] jupanakan lurañap munki ukxa” ukampisa janiw ukhamarjam sarnaqapxirïkänti (Junio 1, 30 jana).

• ¿Kunatsa Diosar yupaychkasax phuqañjamäki ukak amtañax wal kusisiyistaspa?

Jan sum amuytʼasisa kunatï jan phuqañjamäki uk jikxatañ munañänixa wali qaritaw uñjasiñäni. Ukampisa, janiw yatiyir misturjamäxti, janjamakiw uk lurkiristti sas yatiyir jan sarañax janiw walïkaspati (Julio 15, 29 jana).