Taqi chuyma churiri jiskʼa imill wawa

NIYA jichhakiwa, Brasil markankir llätunk maran mä jiskʼa imill wawax qullqi imasitap payar jaljatayna: mayax 18 dolara ukat yaqhasti 25 dolararu. Jukʼa qullqxa taman gastonakapataki siski uka cajaruw uchatayna, ukhamat kunatï taman munaski ukanak alapxañapataki. Ukat waljpach qullqsti, markapan Jehová Diosan Qhanañchirinakapan sucursalapax utjki ukaruw mä cartamp chik apayatayna, uka cartanxa akham sänwa: “Uraqpachan yatiyasiski ukar yanaptʼañatakiw aka qullq churañ muntxa. Chiqansa, Uraqpachan suma yatiyäwinak yatiyasipki uka jilat kullakanakaruw yanaptʼañ muntxa. Ukxa wali munasiñampi ukat Jehová Diosar munasitaj laykuw uk lurtxa” sasa.

Awk taykapax kunja wakiskirisa sapa maynitakix Diosan Apnaqäwipat yatir sarañapax ukwa yatichapxatayna. Ukatxa Jehová Diosarux “taqi qamir kanka[ñampi] jachʼañcha[ñwa]” yatichapxarakitayna (Pro. 3:9). Jiwasasti uka jiskʼa imill wawat yatiqasisa, markasansa jan ukax Uraqpachansa Diosan Apnaqäwipat yatiyasiñapatak taqi chuym yanaptʼapxañäni.