Jesusaw “akapachan juchap q’umachirixa”
Jesusaw “akapachan juchap q’umachirixa”
Jesusaw “akapachan juchap qʼumachirixa” sasaw bautisir Juanax qhanañchäna (Juan 1:29). Kunjamsa Diosan Yuqapax istʼasir jaqinakar qhispiyañapäna, ukwa uka arunakampix uñacht’ayäna.
¿Jesusax juchanakasat qhispiyañatakix kunatsa jiwañapäna?
¿Jiwäwipampix kuns jikxatawayi?
¿Khitinakas jiwäwipat askinak jikxatapxi?
¿Jumatakix kunatsa ukax wali wakiskirïspa?
Jesusax jiwas layku jiwawayki uk amtañatakiw Jehová Diosan Qhanañchirinakapax sapa mara tantachasipxta. Aka maraxa, Jesusan jiwäwipax abril 17, domingo uru Inti jalantxaruw amtasini.
Ukhamax uka wakiskir tantachäwir jutañamatakiw jawst’apxsma, ukanwa kunatsa Jesusan jiwäwipax wali wakisirïpacha ukat ukampix kuns uñacht’ayistu taqi ukanakat yatxat’askañäni. Uka tantachäwinwa, aka qillqatan jikxataski uka jisktʼanakax Bibliamp qhanañchasiskani.
Kawkhankanisa uk yatiñatakix markamankir Jehová Diosan Qhanañchirinakaparuw jiskt’asma. Inas kawkhantï jupanakax tantachasipki ukhan apaschini.
