Sapa maraw walja millón jaqenakajj pisin jakasipjjatap layku jiwarapjje. Qamir markanakas utjkchejja, walja jaqenakaw pisin jakasipjje. Bibliajj pisin jakasiñajj nayratpachaw utjäna sasaw qhanañchi. (Juan 12:8 liytʼäta.)

Pisin jakasiñ chhaqtayañatakejja, oraqpach apnaqer mä gobiernow munasi. Uka gobiernojja, taqenir mä kikpak uñjañapa ukat guerranaksa chhaqtayañaparakiwa, cheqas ukanakaw jilapart pisin jakasiñ utjayi. Diosaw ukham apnaqer gobierno uttʼayani. (Daniel 2:44 liytʼäta.)

Diosajj Jesucristo Yoqaparuw aka Oraqe apnaqañapataki uttʼayi (Salmo 2:4-8). Jesusaw pisinkirinakar yanaptʼani, jan walinaksa, tʼaqhesiñanaksa chhaqtayarakini. (Salmo 72:8, 12-14 liytʼäta.)

‘Sumankañan Jilïripajjaʼ, mä arunjja, Jesucristojj sumankañwa aka Oraqjjar apanini. Ukhamasti, taqenitakiw manqʼañas jilarkir utjani, taqenirakiw utani, mä suma irnaqäwini ukham jakasjjañäni. (Isaías 9:6, 7; 65:21-23 liytʼäta.)