¿Bibliajj kamsisa?
Cheqaparjam uñjatäñajj ¿aka Oraqen utjpachäniti?
¿Jumajj kamsasmasa?
Jïsa
Janiwa
Inasa
Bibliajj akham siwa
‘Llakit jaqer Tatitun cheqapar uñjatap yattwa, tʼaqesiyat jaqer arjjatatap yatiraktwa’ (Salmo 140:12). Diosan Reinopaw cheqaparjam uñjatäña aka oraqen utjayani.
Bibliajj akham saskakiwa
Aka Oraqen utjki uka jan walinakjja Diosajj sum uñjaski, ukat askicharakiniwa (Eclesiastés 5:8).
Diosajj Reinopajj sumankaña jan ajjsaras jakasiñwa utjayani (Isaías 32:16-18).
¿Diosajj jaqenakar yaqhachir Diosäpachati?
Jaqenakajj akham sapjjewa “Diosajj yaqhep jaqenakarojj bendisiwa, yaqhepanakarusti castigarakiwa” sasa. Yaqhepanakasti, “Diosajj taqe jaqenakaruw mä kikpak uñji” sasaw sapjjaraki. ¿Jumajj kamsasmasa?
Bibliajj akham siwa
“Diosajj janiw khitirus yaqhachkiti. Jan ukasti khitinakatï taqe markanakan jupar ajjsartʼapki, kunatï cheqapäki ukarjam lurapki ukanakajja, jupan katoqatäpjjewa” (Hechos 10:34, 35). Diosatakejja, taqe jaqenakajj mayakiwa.
Bibliajj akham saskakiwa
‘Taqe markankirinakataki, tribunkirinakataki, kunayman parlani jaqenakataki, kunayman kasta jaqenakatakiw’ suma yatiyäwinakajj utji (Apocalipsis 14:6).
Akanakajj inas gustarakiristam
BIBLIAW JUPANAKAR YANAPTʼAWAYI
Ina chʼusat tʼaqhesiñanak tukjañwa munayäta
Rafikajj ina chʼusat tʼaqesiñanak chhaqtayañatakejj mä gruporuw mayachtʼasïna. Ukampis qhepatjja Biblian mä promesapwa yatjjatäna, ukarjamajj Diosan Reinopakiw suman jakasiñsa cheqapar uñjatäñsa aka oraqer apanini sasaw amuyjjäna.
