¿Kunas Diosan Reinopajja?
Walja jaqenakaw Diosan Reinop puriniñapatakejj mayisipjje. Ukampis ¿kunas Diosan Reinopajja, kunsa jiwasanak layku lurani sasin jisktʼasirïtati?
BIBLIAJJ KAMSISA UK UÑJAÑÄNI:
¿Kunas Diosan Reinopajja?
Alajjpachankir mä gobiernowa, reyipajj Jesucristowa (Isaías 9:6, 7; Mateo 5:3; Lucas 1:31-33).
¿Kunsa uka Reinojj lurani?
Akapachan kuna jan walinakatï utjki taqe ukanakwa tukjani, ukatjja aka oraqen sumankañan jakasipjjañapatakiw jaqenakar yanaptʼani (Daniel 2:44; Mateo 6:10).
¿Diosan Reinop nayraqat thaqañajj kamsañsa muni?
Diosan Reinopar apoyaña ukat uka Reino toqekiw Diosajj munañap aka oraqen phoqani sasin taqe chuyma confiyaña sañwa muni (Mateo 6:33; 13:44).
