Sapak jikjjatasiñajj maynir wal usuntayaspa, ukatwa jaqenakajj jan ukham jikjjatasipjjañapatakejj wal chʼamachasiñasajj wakisi sasaw doctoranakajj 2023 maran sapjjäna. ¡Cheqas jan sapak jikjjatasiñatakejj chʼamachassnawa!

•   “Sapak jikjjatasiñasa, mayninakat saparstʼañas maynirojj jan waltʼayaspawa, usuntayarakispawa. Ukampis jukʼamp amigonakanïñataki sapa uru mä jukʼa chʼamachasisajja, saparstʼañarojj atipjsnawa” (Vivek Murthy, director general de Salud Pública de Estados Unidos). a

 Maynejj walja jaqenakampïskaspawa, ukhamäkasas sapakjamaw amuyasispa. Sapak jan jikjjatasiñatakejj walja ewjjtʼanakaw Biblian utji, ukanakat mayajja, suma amigonakanïñajj kunja wakiskirisa ukawa.

 Mayninakamp sum parltʼasim. Mayninakamp sum parltʼasiñatakejja, janiw jumatak parlañamäkiti, jan ukasti, mayninakajj kunjamäsipkisa ukwa istʼañamaraki. Amigomat jukʼamp llakisisajja, jukʼampirakiw jupamp sum apasïta.

•   Texto: “Jan jumanak pachpatak llakisipjjamti, jan ukasti mayninakat llakisipjjarakim” (Filipenses 2:4).

 Jukʼamp amigonakanïñatak chʼamachasim. Jumat sipans jukʼamp jilïri jaqenakampi jan ukajj minus marani jaqenakamp suma amigöñatak chʼamachasim. Yaqha markatäpki jan ukajj yaqha sarnaqäwinïpki ukanakamp sum apasiñatak chʼamachasirakim.

•   Texto: “Chuymanakamjja wali jachʼa jistʼarapjjam” (2 Corintios 6:13).

 Suma amigonakanïñatakejj kunsa lurasma uka toqet jukʼamp yatiñatakejja, “Cómo saciar la sed de amistad” siski uka yatichäwi liytʼam.