ҺӘР ДӘФӘ гоншунун евинин јанындан кечәндә башынызы јелләјәрәк она салам верирсиниз. Сонра диггәт јетирирсиниз ки, о, сизи вә аиләнизи кәнардан мүшаһидә едир. Вә бир ҝүн о башы илә ишарә едир ки, она јахынлашасыныз. О дејир: «Сизә бир суал верә биләрәм: башгаларындан бу гәдәр фәргләнмәјинизин сәбәби нәдир?» «Һансы мәнада?» — дејә сиз марагланырсыныз. Ҹавабында о дејир: «Сиз Јеһованын Шаһидисиниз, елә дејил? Башгаларына һеч бәнзәмирсиниз. Диҝәр динләрдән тамамилә фәргләнирсиниз — нә бајрамлары гејд едирсиниз, нә дә сијасәтдә вә мүһарибәләрдә иштирак едирсиниз. Сизләрдән һеч ким сигарет чәкмир. Вә ҝөрүрәм ки, аиләниз чох мәрифәтли-ганаҹаглы аиләдир. Нәјин сајәсиндә башгаларындан бу гәдәр фәргләнирсиниз?»

Сәбәб садәдир: биз Аллаһын Падшаһлығынын рәһбәрлији алтында јашајырыг. Падшаһымыз Иса бизи даим сафлашдырыр. О, бизә онун изләри илә ҝедәрәк бу натәмиз дүнјаја гајнајыб-гарышмамаға көмәк едир. Бу бөлмәдән Мәсиһин идарә етдији Падшаһлығын Јеһованын иззәти үчүн Онун халгыны руһани, әхлаги вә тәшкилати ҹәһәтдән неҹә сафлашдырдығыны өјрәнәҹәјик.