ИСТИРАҺӘТ ҝүнү сәһәр тездән хидмәтә ҝетмәјә һазырлашырсыныз. Анҹаг өзүнүзү елә јорғун һисс едирсиниз ки, евдән чөлә чыхмаг истәмирсиниз. Ахы сәһәр јухусунун јерини һеч нә вермир! Лакин бу барәдә дуа едиб хидмәтә ҝетмәк гәрарына ҝәлирсиниз. Бирликдә хидмәт етдијиниз јашлы садиг баҹынын дөзүмү вә хејирхаһлығы сизи руһландырыр. Сиз хош хәбәри ев-ев тәблиғ едән заман бирдән дәрк едирсиниз ки, бүтүн дүнјадакы баҹы-гардашларыныз да ејни мүждәни тәблиғ едир, ејни әдәбијјаты пајлајыр вә ејни тәлимдән фајдаланыр. Евә гајыданда јорғунлугдан әсәр-әламәт галмадығыны һисс едирсиниз. «Нә јахшы ки, евдә галмамышам!» — дејә севинирсиниз.

Бу ҝүн тәблиғ хидмәти Аллаһын Падшаһлығынын ән башлыҹа ишидир. Иса пејғәмбәр габагҹадан билдирмишди ки, тәблиғ иши ахыр ҝүнләрдә ҝениш вүсәт алаҹаг (Мәт. 24:14). Бу пејғәмбәрлик неҹә јеринә јетир? Бу бөлмәдә биз тәблиғ ишиндә мүһүм рол ојнајан мүждәчиләрдән, тәблиғ үсулларындан вә истифадә олунан аләтләрдән сөһбәт ачаҹағыг. Һәмчинин ҝөрәҹәјик ки, бунлар милјонларла инсанлара Аллаһын Падшаһлығынын реал һөкумәт олдуғуну ҝөрмәјә неҹә көмәк едир.