Зәбур 116:1—19
116 Јеһованы севирәм,Чүнки ешидир* сәсими, ешидир јалварышымы.
2 Гулағыны мәнә тәрәф әјир.Нә гәдәр ки варам, Ону сәсләрәм.
3 Өлүм ипләри мәнә доланмышды,Мәзар мәни ағушуна алмышды*,
Дәрд-бәла мәни үстәләмишди.
4 Амма мән Јеһованын адыны чағырдым:
«Аман, Јеһова, гуртар ҹанымы!»
5 Јеһова шәфгәтлидир, әдаләтлидир,Аллаһымыз мәрһәмәтлидир.
6 Јеһова нашы адамы һифз едир.
Рәзил олмушдум, О, мәни гуртарды.
7 Гој көнлүм јенә раһат олсун,Чүнки Јеһова мәнә јахшылыг етди.
8 Сән ҹанымы өлүмдән,Ҝөзүмү јаш төкмәкдән, ајағымы бүдрәмәкдән гуртардын.
9 Мән Јеһованын өнүндә, ишыглы дүнјада* ҝәзәҹәјәм.
10 Иман етдијим үчүн данышдым,Һәрчәнд әзаблар ичиндә идим.
11 Тәлаша дүшәндә дедим:
«Бүтүн инсанлар јаланчыдыр».
12 Мәнә етдији јахшылыгларын әвәзиндәЈеһоваја нә верә биләрәм?
13 Ниҹат пијаләсини ҝөтүрәрәм,Јеһованын адыны чағырарам.
14 Јеһоваја дедијим нәзирләри јеринә јетирәрәм,Бүтүн халгынын өнүндә.
15 Садиг бәндәләринин өлүмүЈеһова үчүн баһадыр.
16 Амандыр, еј Јеһова,Мән ки Сәнин гулунам,
Гулунам, кәнизинин оғлујам.
Сән мәни буховлардан азад етдин.
17 Сәнә шүкранлардан гурбан ҝәтирәрәм,Јеһованын адыны чағырарам.
18 Јеһоваја дедијим нәзирләри јеринә јетирәрәм,Бүтүн халгынын өнүндә,
19 Јеһованын евинин һәјәтиндә,Сәнин мәркәзиндә, еј Јерусәлим.
Јаһа алгыш един!
Һашијәләр
^ Диҝәр вариант: мән севирәм, чүнки Јеһова ешидир.
^ Һәрфән: шеолун бәласы мәни тапмышды. Лүғәтдә «Мәзар» сөзүнә бах.
^ Һәрфән: дириләр өлкәсиндә.
