Зәбур 118:1—29
118 Јеһоваја шүкүр един, чүнки кәрамәтлидир,Мәһәббәти әбәдидир.
2 Гој Исраил десин:
«Мәһәббәти әбәдидир».
3 Һарун еви десин:
«Мәһәббәти әбәдидир».
4 Јеһовадан горханлар десин:
«Мәһәббәти әбәдидир».
5 Дара дүшәндә Јаһы чағырдым,Јаһ мәнә һај верди, ҝенишлијә чыхарды.
6 Јеһова мәним тәрәфимдәдир, горхмарам,
Инсан мәнә нә едә биләр?
7 Јеһова мәним тәрәфимдәдир, мәним көмәјимдир*,Мәнә нифрәт едәнләрә мүзәффәр бахышларла бахарам.
8 Јеһоваја пәнаһ ҝәтирмәк,Инсана ҝүвәнмәкдән јахшыдыр.
9 Јеһоваја пәнаһ ҝәтирмәк,Әсилзадәләрә ҝүвәнмәкдән јахшыдыр.
10 Бүтүн халглар мәни дөврәјә алмышды,Онлары Јеһованын ады илә ҝери атдым.
11 Мәни дөврәләјиб мүһасирәјә алмышдылар,Онлары Јеһованын ады илә ҝери атдым.
12 Ары кими әтрафымы бүрүмүшдүләр,Лакин коллуға дүшән алов кими тезҹә сөндүрүлдүләр,
Онлары Јеһованын ады илә ҝери атдым.
13 Мәни зәрблә итәләдиләр* ки, јыхылым,Амма Јеһова дадыма јетишди.
14 Јаһ пәнаһымдыр, гүввәтимдир,О, мәним ниҹатымдыр.
15 Салеһләрин чадырынданГуртулуш, севинҹ сәдалары јүксәлир.
Јеһованын сағ әли гүввәтини ҝөстәрир.
16 Јеһованын сағ әли јухары галхыр,Јеһованын сағ әли гүввәтини ҝөстәрир.
17 Өлмәрәм, јашајаҹағам ки,Јаһын ишләрини елан едим.
18 Јаһ мәни ҹидди тәнбеһ етди,Амма өлүмә тәслим етмәди.
19 Салеһлик дарвазаларыны үзүмә ачын,Орадан ҝириб Јаһа алгыш едәҹәјәм.
20 Бу, Јеһованын дарвазасыдыр,
Орадан салеһләр ҝирәр.
21 Сәнә алгыш едәрәм, чүнки мәнә һај вердин,Мәним хиласкарым олдун.
22 Бәнналарын рәдд етдији дашКүнҹүн әсас дашы олду.
23 Буну едән Јеһовадыр,Биз буна һејран галмышыг.
24 Бу, Јеһованын јаратдығы ҝүндүр,О ҝүндә севиниб шад оларыг.
25 Аман, Јеһова, бизи хилас ет!
Јеһова, бизә гәләбә вер!
26 Јеһованын ады илә ҝәләнә ешг олсун!Јеһованын евиндән сизә алгыш дејирик.
27 Јеһова Аллаһдыр,Бизә нур верир.
Әлиниздә будаглар бајрам јүрүшүнә гошулун,Та гурбанҝаһын бујнузларына гәдәр ҝедин.
28 Аллаһым Сәнсән, Сәни тәриф едәрәм,Еј Аллаһым, Сәни уҹалдарам.
29 Јеһоваја шүкүр един, чүнки кәрамәтлидир,Мәһәббәти әбәдидир.
