Зәбур 144:1—15
Давудун мәзмуру.
144 Әлләрими саваша,Бармагларымы дөјүшә һазырлајан,Гајам Јеһоваја алгыш олсун!
2 О, мәним хејирхаһымдыр! Одур истеһкамым,Пәнаһҝаһым, хиласкарым,Галам, галханым,Одур халглары мәнә табе едән.
3 Еј Јеһова, инсан нәдир ки, она нәзәр салырсан?Фани инсан нәдир ки, она диггәт јетирирсән?
4 Инсан ади бир нәфәсдир,Өмрү гејб олан көлҝә кимидир.
5 Еј Јеһова, ҝөјләри әј, ашағы ен,Дағлара тохун, түстү галхсын.
6 Илдырым чахдыр, дүшмәнләри пәрән-пәрән ет,Охларыны ат, онлары чахнашмаја сал.
7 Ҝөјләрдән әлини узат,Мәни гуртар, сел-сулардан чыхар,Мәни јадларын әлиндән ал.
8 Онларын ағзындан јалан төкүлүр,Сағ әлләрини галдырыб јаландан анд ичирләр.
9 Илаһи, шәнинә јени нәғмә охујарам,
Он телли аләтдә Сәни тәрәннүм едәрәм.
10 Сәнсән падшаһлара зәфәр верән,Гулун Давуду сијрилмиш гылынҹдан гуртаран.
11 Мәни гуртар, ағзындан јалан төкүлән,Сағ әлләрини галдырыб јаландан анд ичәнЈадларын әлиндән ал мәни.
12 Онда оғулларымыз тезҹә бој атмыш фидана,Гызларымыз сарајдакы ојма күнҹ сүтунларына бәнзәр.
13 Анбарларымыз нөвбәнөв немәтләрлә долуб-дашар,Чөлдәки сүрүләримиз минләрлә, он минләрлә балалар,
14 Боғаз мал-гарамыз бала салмаз, өлү доғмаз,Мејданларымызда шивән гопмаз.
15 Бунлары дадан халг нә бәхтәвәрдир!
Аллаһы Јеһова олан халг нә бәхтијардыр!
