Зәбур 60:1—12
Дирижора. «Хатирә занбағы». Михтам*. Давудун мәзмуру. Тәлим үчүн. Давуд Арам-Нәһраим вә Арам-Собаһ илә дөјүшәркән Јуаб ҝери дөнүб Дуз вадисиндә 12 000 әдумини гыранда.
60 Худаја, бизи тәрк етдин, ҹәрҝәләримизи јарыб кечдин,
Бизә гәзәбләндин. Инди гәбул ет бизи, нә олар.
2 Јери титрәтдин, чат-чат етдин,
Јер титрәјир, онун чатларыны битишдир.
3 Халгына сыхынты вердин,
Бизә ҝиҹәлләндириҹи шәраб ичиртдин.
4 Сәндән горханлара ишарә вер ки*,Онлар гачыб охдан гуртулсунлар. (Селаһ)
5 Сағ әлинлә бизә гуртулуш вер, бизә һај вер,Гој истәкли бәндәләрин ниҹат тапсын.
6 Мүгәддәс Аллаһ* деди:
«Севиниб-ҹошаҹағам, Сиһамы истәдијим кәсә пај верәҹәјәм,Суггут дәрәсини өлчүб бөләҹәјәм.
7 Ҝилад Мәнимдир, Мәнәссә Мәним,Әфраим башымын дәбилгәсидир*,Јәһуда әлимдә өндәр әсасыдыр.
8 Муаб јујунмаг үчүн тештимдир,
Сәндәлими Әдума туллајаҹағам,
Филиштин үстүнә зәфәр һарајы чәкәҹәјәм».
9 Ким мәни мүһасирәдәки* шәһәрә апарар?
Ким мәни Әдума гәдәр апарар?
10 Сәндән башга ким буну едәр, еј Аллаһ?Еј бизи тәрк едән, даһа ордуларымызын үстүндә дөјүшә чыхмајан Аллаһымыз.
11 Бизә көмәк ол, сыхынтыдан гуртулаг,Әбәсдир инсандан хилас ҝөзләмәк.
12 Биз Аллаһдан ҝүҹ аларыг,О, дүшмәнләримизи тапдалајар.
Һашијәләр
^ Диҝәр вариант: вердин ки.
^ Диҝәр вариант: Аллаһ Өз мүгәддәс мәканында.
^ Һәрфән: истеһкамыдыр.
^ Диҝәр вариант: истеһкамлы.
