Зәбур 61:1—8
-
Аллаһ дүшмәндән горунмаг үчүн мөһкәм галадыр
-
«Даим чадырында јашарам» (4)
-
Дирижора. Симли аләтләрин мүшајиәтилә. Давудун мәзмуру.
61 Еј Аллаһым, фәрјадымы ешит,
Дуамы динлә.
2 Гәлбим губар бағлајыб,Сәни дүнјанын уҹгарларындан сәсләјирәм,
Мәни әлчатмаз гајаја галдыр.
3 Ахы пәнаһым Сәнсән,Дүшмәндән горујан мөһкәм галамсан.
4 Даим чадырында јашарам,Ганадларын алтына сығынарам. (Селаһ)
5 Сән дедијим нәзирләри ешитдин,
Мәнә адындан горханлара мәхсус мирас вердин.
6 Падшаһын өмрүнү узадарсан,Илләри нәсилдән-нәслә кечәр,
7 Даим Аллаһын өнүндә тахтда отурар.Она мәһәббәт, сәдагәт әта ет ки, ону горусун.
8 Дүнја дурдугҹа адыны нәғмәләрдә тәрәннүм едәрәм,Нәзирләрими һәр ҝүн јеринә јетирәрәм.
